Xiami brendinin Xiaomi 13 seriyası ilə yanaşı, brendin ilk masaüstü kompüteri olan Mini Host modelini təqdim edəcəyi gözlənilir. Brendin yeni masaüstü kompüter modeli, Apple Mac Mini modelinə rəqib olaraq gəlir. Çinli brendin təqdimatda ilk masaüstü kompüterini təqdim edəcəyi Xiaomi Notebook rəsmi səhifəsindəki Weibo yazısı zamanı məlum olub. Beləliklə, təqdimatda təqdim olunacaq innovativ məhsulların sayı artmaqda davam edir. Əlavə olaraq qeyd edək ki, təqdimat tarixi 1 Dekabr olaraq elan edilsə də, bəzi mənbələn Çinin sabiq prezidentinin vəfatı səbəbi ilə təxirə salındığını iddia edir.
Xiaomi Mini Host kompüteri hansı xüsusiyyətlərə sahib olacaq?
Xiaomi brendi daha əvvəllər noutbuk modellərini təqdim etsə də, indiyə qədər masaüstü kompüter təqdim etməmişdi. Apple ilə rəqabət aparan çinli brend, Mac Mini modelinə rəqib olaraq Mini Host kompüterini təqdim etməyi planlaşdırır. Xiaomi Notebook rəsmi səhifəsinin Weibo yazısında, brendin ilk masaüstü kompüter barədə əlavə məlumat verilməsə də, onu yüksək performanslı kompüter olacağını vurğulayıb.
Qeyd edək ki, mini masaüstü kompüter modelərrinin əsas üstünlüyü onların kompakt ölçüləridir ki, bu da onların rahatlıqla daşınmasına və iş masasında daha az yer tutmasına şərait yaradır. Digər brendlər tərəfindən istehsal olunan mini masaüstü kompüterlərinin əksəriyyəti adətən yüksək performans tələb edən əməliyyatlar üçün uyğun olmasa da, ortalama işlər tələb edən tapşırıqlar çün uyğundur. Yeni Xiaomi Mini Host kompüterinin də bu standartlara cavab verəcəyi gözlənilir.
Çinli brendin yeni masaüstü kompüterinin Intel prosessor ilə təchiz olunacağı və Windows əməliyyət sistemi ilə işləyəcəyi gözlənilir. Hələlik yeni kompüterdən gözlənilənlər bunlardır. Həmçinin yeni kompüterin hansı qiymətə təklif olunacağı da hələlik məlum deyil.
