“Apple” şirkətinin keçmiş əməkdaşları tərəfindən yaradılan Amerika startapı “Humane”, artıq 3 ilə yaxındır yeni innovativ qurğu üzərində işləyir. Belə ki, 21 il Apple məhsul dizayneri işləmiş və startapın sözçüsü olan İmran Çaudhri tərəfindən iddia edilənə görə bu qurğu, smartfonları əvəz edəcək. Həmçinin o, yeni qurğunun təqdimatının 2023-cü ilin yaz yalarında olacağını da bildirib. Digər bir tərəfdən bu cihaz üzərində 8 ildən çox iOS və MacOS əməliyyat sistemlərini təkmilləşdirməklə məşğul olan Bethany Bongiorno da əsas mühəndislərdən biri kimi fəaliyyət göstərib. Qeyd edək ki, yeni qurğunun paylaşılmış tizerində insan ovucuna əks olunmuş görüntünü və Spring 2023 yazısını görmək mümkündür.
Humane
Humane startapı tərəfindən hazıranmış yeni qurğu hansı xüsusiyyətlərə sahib olacaq?
Apple loqotipinə oxşar loqoya sahib olan Humane startapının yeni qurğusu, hərkəs tərəfindən maraqla qarşılanıb. Qeyd edək ki, yeni innovativ qurğunun posteri də internetə yerləşdirilib. Posterdə təsviri birbaşa insanın ovucuna nümayiş olunması görünür.
Apple şirkətinin keçmiş işçiləri tərəfindən qurulan startapın hazırladığı yeni innovativ qurğu, patentlərə əsasən 180° FOV kamera, 3D kamera və dərinlik sensoru ilə təchiz edilə bilər. Qeyd edək ki, yeni qurğu, Volvo brendinin yeni modellərini təchiz etdiyi LIDAR texnologiyalı idarə etmə sistemi ilə də təchiz edilə bilər. Həmçinin analtiklərin iddiasına görə, yeni cihaz insan jestlərini tanımalıdır. İnnovativ qurğunun Qualcomm Snapdragon çipsetindən güc alacağı da iddialar arasındadır. Analtiklər, yeni ortaya çıxmış qurğuya oxşar olan patent nümunəsi arxivlərinə əsaslanaraq yeni qurğunun paltarın altında gizlədilmiş xarici batareya ilə təchiz olunacağını düşünür.
Yeni qurğunun patent görüntüsü
Ümumiyyətlə Humane startapı, ağıllı eynəkləri hər zaman tənqid edib və bu eynəklərin insanlara dünya arasında maneə yaratdığı bildirilib. Əlavə olaraq qeyd edək ki, yeni innovativ qurğunun təqdim ediləcəyi tarix aralığı məlum olsa da, onun konsept, yoxsa istehsal versiyası olacağı hələlik məlum deyil. Eyni zamanda cihazın normal smartfondan necə fərqləndiyi, eynək deyilsə tam olaraq nə olduğu anlaşılmayıb.
