Apple gələcəkdə təqdim olunması planlaşdırıan iPhone modellərinin Type-C şarj portu ilə təchiz ediləcəyini rəsmi olaraq təsdiqləyib. Apple şirkətinin marketinq meneceri Qreq Josviak The Wall Street jurnalına verdiyi müsahibədə, komandasının dəyişiklikdən məmnun olmasa belə, şirkətin şarj portunu məcburən dəyişəcəyini təsdiq edib. Müsahibədə şirkətin proqram təminatı üzrə vitse-prezidenti Craig Federighi də iştirak edib, lakin onların heç biri dəyişikliyin nə vaxt baş verəcəyini dəqiq açıqlamayıb. Lakin Avropa birliyinin qəbul etdiyi qanuna əsasən bütün smartfonlar və planşetlər 2024-cü ilin payızınadək Type-C şarj portuna keçid etməlidir.
Şirkətin marketinq meneceri Qreq Josviak bu dəyişikliyin çoxlu elektron tullantılara səbəb olacağını düşünür. Belə ki, istifadəçilər lightning naqillərindən imtina edərək onları zibil qutularına atacaq. Bundan sonra isə onlar yeni iPhone modelləri üçün Type-C şarj portu ilə uyğunlaşan naqillər almağa məcbur olacaq. Həmçinin Josviak qeyd edib ki, Apple 3-cü tərəf şarj portlarına güvənməkdənsə, öz mühəndislərinə güvənir. Müsahibə də menecerə bu dəyişikliyin Avropa Birliyi xaricində satılan smartfonlara daxil edib-etməyəcəyinə dair sual verilib. Lakin menecer bu suala cavab verməkdən imtina edib.
Apple bir müddət öncə yeni iPhone modellərinin şarj portuna sahib olmayacağını və onların yalnız simsiz şarjı dəstəkləyəcəyini elan etmişdi. Lakin bir çox ölkələr bu qərara məhdudiyyətlər tətbiq etdi. Sonuncu məhdudiyyət də Avropa Birliyi tərəfindən tətbiq olub. Birliyin qəbul etdiyi son qərara əsasən Avropada satılan bütün smartfonlar və planşetlər 2024-cü ilin payızınadək USB-C şarj portuna keçid etməlidir.
