Smartfon bazarının aparıcı adlarından biri olan Xiaomi şirkəti , Xiaomi 13 ailəsinin flaqman modeli olan 13 Ultra modelini təqdim etməyə hazırlaşır. Çin istehsalçısı tədricən 13 Ultra xüsusiyyətlərini bölüşməyə başlayıb. Flaqman telefonu batareyasının ömrü ilə istifadəçiləri təəccübləndirə bilər. Məlumata görə, Xiaomi şirkətinin yeni flaqman telefonu 18 apreldə olduqca güclü ilkləri özündə birləşdirmiş bir cihaz kimi satışa çıxarılacaq.
Ötən gün rəsmi Weibo hesabında marka Xiaomi 13 Ultra modelinin Surge P2 və Surge G1 çiplərindən dəstək alacağını təsdiqlədi. Surge G1 çipinin təfərrüatları məlum olmasa da, onun Xiaomi 12 seriyasında tapılan Surge P1-in davamçısı olacağını bilirik. Bununla belə, Xiaomi şirkəti bildirir ki, yeni çip daha yaxşı termal idarəçiliyi və şarj səmərəliliyi təklif edəcək. Xiaomi şirkətinin iddiasına görə, Xiaomi 13 Ultra şarj müddətində əhəmiyyətli bir yaxşılaşma istifadəçilərinə təklif edəcək.
Belə ki, Xiaomi şirkəti iddia edir ki, batareya səviyyəsi 1%-ə düşsə belə , telefon 60 dəqiqə ərzində sönməyəcək və ya 12 dəqiqəlik telefon danışığını dəstəkləyəcək. Bununla belə, bu imkan yalnız ultra batareyaya qənaət rejimində mümkün olacaq. Son sızmalara görə, 13 Ultra 1 düymlük Sony IMX989 50MP əsas və 50MP Sony IMX858 köməkçisi ilə dördlü arxa kamera gətirəcək. Əlavə olaraq Snapdragon 8 Gen 2 çipsetindən dəstək alacaq. Bu yenilik haqqında sizlər nə fikirləşirsiniz? Fikirlərinizi rəylərdə bizimlə paylaşmaqı unutmayın.
