Dünyanın ən çox istifadə olunan mesajlaşma platforması olan WhatsApp yeni kanal xüsusiyyəti ilə daha fərqli fəaliyyət göstərəcək. Belə ki, ötən günlərdə bəzi insayderlər məşhur platformaya yeni kanal funksiyasının gələcəyini xəbər vermişdi. Hətta insayderlər bu funskiyanın Telegram tətbiqindəki funksiyadan götürüldüyünü bildirirdi. Ümumiyyətlə WhatsApp son dövrlərdə etdiyi yeniliklər ilə getdikcə Telegram tətbiqinə bənzəyir. İndi isə şirkət hərkəsə Telegram tətbiqindən tanış olan kanal xüsusiyyətini öz platformasına əlavə edib. WhatsApp bildirir ki, yeni funksiya “vacib şeyləri izləmək üçün xüsusi bir yoludur”.
Ümumiyyətlə WhatsApp tətbiqində hal-hazırda sadəcə söhbət qrupları yaratmaq mümkün idi. Şirkətin elan etdiyi yeniliklə artıq kanal yaratmaq da mümkün olacaq. Söhbət qruplarından fərqli olaraq kanallarda üzvlərin adı və nömrəsi gizli qalacaq. Bu isə istifadəçilərin təhlükəsizliyini təmin edir. Belə ki, kanalda ekran görüntüsü almaq da mümkün olmayacaq. Görünən odur ki, şirkət təhlükəsizliklə bağlı bütün tədbirləri nəzərə alıb. Hətta WhatsApp yeni kanal xüsusiyyəti üçün alternativ pul qazanmaq imkanları da təklif edəcək.
Qeyd edək ki, WhatsApp kanal xüsusiyyətini elan edərkən buradakı mesajların ucdan-uca şifrələnməyəcəyini də bildirib. Lakin şirkət bununla bağlı bütün təhlükəsizlik tədbirdlərini gördüyünü bildirir. Bundan əlavə yeni funskiya ilk olaraq Sinqapur və Kolumbiya üçün əlçatan olacaq. Yaxın aylarda isə yeni bütün istifadəçilər kanal funksiyasından istifadə edə biləcək. Lakin yeni funksiya artıq tətbiqin 2.23.10.14 beta versiyası üçün əlçatandır.
