Azərbaycandan iştirak edən media platforması olaraq Money20/20 Europe tədbirini geridə qoyduq. Yaxşı bəs, İnnovasiya və Rəqəmsal İnkişaf Agentliyinin tərəfdaşlığı və PASHA Holding-in sponsorluğu ilə Hollandiyanın Amsterdam şəhərində keçirilən tədbirdə yadda qalanlar nələr oldu?
Sənaye liderlərinin, innovatorların və startapların bir araya gəldiyi bu mühüm görüş 6-8 iyun tarixləri arasında bildiyiniz kimi Hollandiyanın Amsterdam şəhərində baş tutdu. Tədbir şəbəkələşmə, bilik mübadiləsi və maliyyə dünyasında yeni ideyaların nümayişi üçün əla platforma olduğunu sübut etdi.
Money20/20 Europe 90-dan çox ölkədən 2300 iştirakçı şirkəti təmsil edən 8000-dən çox iştirakçını bir araya gətirdi. Bu müxtəlif ekosistem dəyərli əlaqələri gücləndirdi və Azərbaycan startaplarına da öz innovativ həllərini təqdim etmək və beynəlxalq səhnədə potensial əməkdaşlıqları araşdırmaq üçün unikal imkan yaratdı.
Money20/20 Europe bu il sərgidə rekord sayda startapı qəbul etdi. Startapların dəstəklənməsi Money20/20-nin əsasını təşkil etdi. Azərbaycandan Payrif, E-point, Recepta və Uvodo kimi startaplar tədbirdə iştirak edən görkəmli Azərbaycan təşəbbüsləri arasında yer aldılar. Bu startaplar öz qabaqcıl texnologiyalarını və sahibkarlıq ruhunu nümayiş etdirərək investorların, sənaye ekspertlərinin və digər iştirakçıların diqqətində oldular.
Azərbaycan startapları və başqaları Money20/20 Europe-da cəlbedici sessiyalar, düşündürücü müzakirələr və dəyərli şəbəkə imkanlarından yararlandılar. Tədbir sənaye liderləri üçün fikirlər əldə etmək, potensial tərəfdaşlar, investorlarla əlaqə saxlamaq və onların ideyaları ilə bağlı rəy almaq üçün platforma rolunu oynadı.
Xatırlatmaq lazım gələrsə, Uvodo rəqəmsal agentliklər və e-ticarət mühəndisləri üçün nəzərdə tutulan, onların iş prosesini və proqramlaşdırma sürətini artıran e-ticarət platformasıdır. Payriff isə onlayn bizneslər üçün asan inteqrasiya imkanları olan rəqəmsal ödəmə həllidir. Əsasən elektron kommersiya ilə məşğul olan bizneslər üçün əlverişli olsa da, eyni zamanda xidmət müqabilində ödəniş alan fərdi sahibkarlar üçün də həllər təklif edir.
Digər perspektivli startap Epoint, kiçik və orta sahibkarlar üçün elektron ticarətə tez bir zamanda qoşulma imkanıdır. Məsələn, hansısa mal və ya xidmət satışı ilə məşğulsunuzsa hansısa banka müraciət etməlisiniz. Bu isə olduqca vaxt alan bir prosesdir. Epoint isə bunu maksimum dərəcədə tezləşdirir. Recepta layihəsinə gəldikdə isə rəqəmsal qəbzlər bütün dünyada ən çox kağız istifadə olunan adi qəbzlərin yerini dolduracaq. Bununla da həm ətraf mühiti qorumaq həm də büdcəyə qənaət etməyə işə yarayır.
O cümlədən, tədbirdəki ən yaxşı beş startap Amsterdamda Money20/20 Europe-da Encore səhnəsində canlı təqdimat etmək üçün seçildi və Commerce Venture-dən 100.000 dollar həcmində mükafat qazanmaq şansı uğrunda yarışdılar. Zero Labs, Europe’s Got Access Money20/20-nin Ultimate Climate Startups müsabiqəsində qalib gəldi.
Money20/20 haqqında
2011-ci ildə qurulan Money20/20, ödənişlər, fintech və daha geniş finansal xidmətlər sektorundaki ən yenilikçi insanların bir araya gəlməsini hədəf almışdır. Amsterdamda (6-8 İyun 2023) Avropa tədbiri və Las Veqasda (22-25 oktyabr 2023) təşkil edilən ABŞ tədbiri, yüksək effektiv fəaliyyəti ilə peşəkarlıqla fərqlənən layihələr kimi qəbul edilir. Money20/20 bir “Ascension” proqramıdır. Tədbirlərlə əlaqədar inkişaf və yeniləmələr üçün Money20/20 sosial media səhifələrini izləyə bilərsiniz.
