Süni intellektdə son dərəcə sürətli irəliləyiş olsa da, bəzi faktlar danılmazdır. Belə ki, Google DeepMind CEO-nun sözlərinə görə, indiki süni intellekt hətta pişik qədər ağıllı deyil. Onun sözlərinə görə, ev pişiklərinin IQ səviyyəsi hazırkı süni intellektlərdən daha yüksəkdir.
Google-un süni intellekt tədqiqatları ilə məşğul olan bölməsi olan Google DeepMind-in həmtəsisçisi və baş direktoru Demis Hassabis verdiyi açıqlamada bugünkü süni intellekti ev pişikləri ilə müqayisə edib. Hassabis bildirib ki, “Biz hələ pişik zəkasına belə çata bilməmişik”. Digər tərəfdən, tədqiqatlar sürətlə davam edir və böyük investisiyalarla dəstəklənir. Bəzilərinin fikrincə, süni intellekt sadəcə bir neçə il sonra insan zəkasına çatacaq. Lakin Google DeepMind CEO-nun sözlərinə görə, bu, hələlik belə deyil.
Hansı süni intellekt şirkətindən soruşulmasından asılı olmayaraq, sistemlərinin çox ağıllı olduğunu deyəcəklər. Google DeepMind CEO-su isə bildirir ki, indiki süni intellekt modellərinin IQ səviyyələri hətta ev pişiyi qədər belə yüksək deyil. Ümumiyyətlə, intellekt düşünmək, obyektiv faktları qavramaq, dərk etmək, mühakimə etmək və nəticə çıxarmaq, habelə mücərrədləşmək, öyrənmək və yeni vəziyyətlərə uyğunlaşmaq qabiliyyətlərinin məcmusudur. Beləliklə, zəka çox ümumi bir anlayışdır. Bugünkü süni intellekt çox spesifik sahələrdə fəaliyyət göstərir. Bu səbəbdən Hassabisin işi bugünkü süni intellektə deyil, AGI yəni süni ümumi zəkaya yönəlib. Hasssabis-in sözlərinə görə “Hazırda biz ümumən insan səviyyəsində intellektdən uzağıq. Amma süni intellekt müəyyən sahələrdə, məsələn, oyunda dünyanın ən yaxşısı hesab oluna bilər”.
