Anthropic-in Claude AI üçün yeni “kompüter istifadəsi” funksiyası indi tərtibatçılar üçün əlçatan edilib. Beləliklə, adından da göründüyü kimi, artıq bu xüsusiyyəti ilə süni intellekt kompüterləri təkbaşına istifadə edə bilir.
Süni intellekt dünyasındakı böyük bir yenilikdə Anthropic, Claude 3.5 Sonnet modelinə inteqrasiya etdiyi yeni “kompüter istifadəsi” xüsusiyyətini təqdim edib. Bu funksiya ilə Claude insan kimi ekranı görə, siçanı hərəkət etdirə, kliklər edə və mətnlər yaza bilər. Microsoft-un Copilot Vision funksiyası və OpenAI-nin ChatGPT üçün masa üstü proqramı artıq süni intellekt alətlərinin kompüterinizin ekranını görmək əsasında nə edə biləcəyini nümayiş etdirib. Qeyd edək ki, Android-də Google-un Gemini tətbiqi də oxşar imkanlara malikdir. Lakin Anthropic-in yeni funksiyası bu imkanlardan bir addım da irəli gedir və süni intellektə ekranda aktiv tapşırıqları yerinə yetirmək imkanı verir.
Antropic tədqiqatçısı Pujaa Rajan, Claude-a Golden Gate körpüsü üzərindən günəşin doğuşunda gəzintiyə çıxmaq istədiyini söyləyir və evdən nə vaxt çıxmalı olduğu üçün cədvəl təyin edə biləcəyini soruşur. Daha sonra süni intellekt brauzeri açır, günəşin çıxma vaxtlarını və gəzinti yerlərini tapır, Rajan-ın olduğu ərazidən səyahət vaxtlarını hesablayır, sonra təqvim açır və müvafiq girişi edir. Anthropic bu yeni xüsusiyyətin hələ də ilkin səviyyədə olduğunu və bəzi çətinliklər yarada biləcəyini bildirir. Onlar xəbərdarlıq edirlər ki, “kompüterdən istifadə” funksiyası səhvlərə meylli ola bilər. Şirkət rəy toplamaq üçün bu funksiyanı ilkin mərhələdə buraxdığını və imkanların zamanla sürətlə təkmilləşdiriləcəyini bildirir. Məlumata görə, Claude-nin sosial media ilə əlaqə saxlaması məhdudlaşdırılıb.
