Sürətlə inkişaf edən süni intellekt texnologiyası artıq insanların işini əlindən alır. Belə ki, sadəcə ötən ay süni intellekt texnologiyası 3900 insanın işini itirməsinə səbəb olub. Bloomberg mənbəsinin yayımladığı hesabata görə may ayında işdən çıxarılan 80 mindən çox insanın təxminən 4 minə yaxını süni intellekt səbəbindən işdən çıxarılıb. Ümumiyyətlə son dövrlərdə süni intellekt səbəbindən insanların işdən çıxarılması halları artıb. Hətta bir çox zavodların fəaliyyəti tamamilən süni intellekt tərəfindən həyata keçirilir. Bu isə yaxın gələcəkdə işsizlik probleminin daha da çoxalmasına səbəb ola bilər.
Bloomberg mənbəsi tərəfindən paylaşılan hesabat göstərir ki, süni intellekt sadəcə bu ay 3900 insanın işini əlindən alıb. lakin biz son bir neçə ilə nəzər salsaq bu rəqəmin dəfələrlə çox olduğunu görəcik. Bu isə süni intellekt texnologiyasının təhlükəli olduğundan xəbər verir. Ümumiyyətlə süni intellektin işsizliyə səbəb olması daha əvvəllər də bir çox insayder tərəfindən bildirilib. Hesabatdakı rəqəmlər isə bu fikirlərin doğru olduğunu bir daha sübut edir. Pandemiyadan sonrakı dövrdə bir çox texnologiya nəhəngi belə artıq ixtisarlara başlamışdır. Belə ki, Pandemiyada işdən çıxarılan insanların sayı 1.4 milyonu ötürdü. Bu ilin sadəcə ilk 5 ayında isə artıq 417500 insan işdən çıxarılıb. Bu rəqəmlər hər gün, hər ay, hər il durmadan artır.
İşdən çıxarılanların sayı artdıqca, süni intellekt tərəfindən işdən çıxarılan insanların sayı da artır. Belə ki, süni intellekt bu ay 3900 insanın işini əlində alsa da gələn ay daha çox insanın işini əlindən alacaq. Ümumiyyətlə bir çox şirkət pandemiyadan sonrakı mərhələdə öz fəaliyyətini tam bərpa edə bilməyib. Hətta işçi ixtisarlarından sonra da bu problem aradan qalxmır. “Newedge Wealth” ve “Goldman Sachs” analitikləri bildirir ki, bu templə artım 2035-ci ilə qədər itirilən iş yerlərini rahatlıqla 300 milyona çatdıracaq.
