Yəqin ki, hərkəs ən azı bir dəfə 1400 illik tarixə malik olan şahmat oyununu oynayıb. Belə ki, əsasən strategiya və məntiq üzərində qurulan bu stolüstü oyun smartfonlarda və digər cihazlarda da oynanılır. Lakin artıq smartfonlarda şahmat oynamağa ehtiyac qalmayacaq. Çünki, Dünyanın ilk süni intellektli şahmat taxtası olan GoChess hazırlanıb. Beləliklə GoChess həm fiziki həm də virtual şahmat turnirlərini bir lövhədə birləşdirir. Ümumiyyətlə GoChess şahmat taxtasında inqilabi yenilik etməyi planlaşdırır.
Sadə şahmat oyunlarını virtual olaraq oynamağa imkan verən şahmat taxtası maqnit əsasında hazırlanıb. Belə ki, şahmat lövhəsinin altında maqnit yerləşdirilib. Hansı ki, bu maqnit ilə lövhəsnin üzərindəki şahmat daşlarını sağa, sola, arxaya və qabağa hərəkət etdirmək mümkündür. Buna görə də tətbiq üzərində siz qarşınızdakı rəqibin daşlarına toxunmadan onlar hərəkət edəcək. Bununla da real şahmat təcrübəsi yaşamaq mümkün olacaq. Maraqlısı budur ki, oyun bitdikdə bütün daşlar öz yerinə də qayıda bilir.
Dünyanın ilk süni intellektli şahmat taxtası həmçinin istifadəçilərə Chess.com və leaches tətbiqlərində olduğu kimi şahmat oynamağı öyrədə biləcək. Belə ki, lövhənin altında quraşdırılan led işıqlar ilə istifadəçiyə növbəti gedişlərini göstərən GoChess gələn il bazara çıxaracaq. Bir çox versiyalara sahib olan GoChess 200 dollarlıq başlanğıc qiyməti ilə təklif ediləcək. Hətta istifadəçilər 200 dollar depozit etməklə gələn ildən etibarən şahmat taxtası əldə edə biləcəklər.
