Süni intellekt sahəsində ixtisaslaşan Nvidia şirkəti imkanlarını daha da genişlətmək məqsədi ilə Cohere süni intellekt startapına investisiya edib. Qeyd edək ki, Cohere startapı məhz korporativ sektorlar üçün süni intellekt həllərinin hazırlanmasında ixtisaslaşıb. Toronto şəhərində yerləşən startap C seriyası turunda ABŞ, Kanada, Koreya, Böyük Britaniya və Almaniyadan olan investorlardan 270 milyon dollar investisiya əldə etdiyini bildirib. Biznes sektorundakı ehtiyacları nəzərə alan hazırlanan Cohere startapı məlumatların istifadədisini, əlçatanlığını və məxfiliyini təmin edə bilir.
Qeyd edək ki, Inovia Capital tərəfindən idarə olunan C seriyası turunda Nvidia, Oracle, DTCP, Schroders Capiyal, Thomvest Ventures və Index Ventures kimi məşhur şirkətlər iştirak edib. Nvidia kimi böyük şirkətlərin marağını cəlb edən Cohere turda rekord məbləğdə investisiya əldə edib. Ümumiyyətə Cohere startapı 2019-cu ildə keçmiş Google tədqiqatçıları olan Aidan Gomez, Ivan Zhang və Nick Forest tərəfindən qurulub. Həmçinin startap çatbotlar və axtarış sistemləri kimi süni intellektlə işləyən məhsulların tətbiq olunması üçün başqaları tərəfindən istifadə edilə biləcək texnoloji infrastruktur inkişaf etdirir. Qeyd edək ki, Cohere istənilən bulud infrastrukturuna da yerləşdirilə bilər.
Generativ süni intellekt texnologiyaları hazırlayan Cohere əsasən müəssisə xidmətlərinin inkişafını təmin edəcək platformalar təqdim edir. Həmçinin Cohere startapı OpenAI kimi mətn yaratmaq üçün istifadə edilə bilən dil modelləri və ya LLM istehsal edir. Qeyd edək ki, Cohere startapı C seriyası turunda 270 milyon dollar investisiya əldə etdikdən sonra ümumi dəyəri 2.2 milyard dollar dolub.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
