Samsung hazırda yeni flaqman cihazını təqdim etməyə hazırlaşır. Lakin texnologiya nəhəngi yenə də, yeni funksiyalar üzərində işləməyə davam edir. Belə ki, Cənubi koreyalı texnologiya nəhəngi Samsung, cihazlarına telefon zənglərini dərhal tərcümə edən funksiya əlavə edəcək. Şirkət öz bloq yazısında bildirib ki, artıq yenu Galaxy AI erası başlayır. Məhz bu səbəbdən də, Samsung gələcəyin smartfonlarda olduğunu bildirir.
Ümumiyyətlə yeni funksiya istifadəçilərin telefon zəngləri zamanı bir-birini rahatlıqla başa düşməsinə imkan verir. Yəni istifadəçilər fərqli dillərdə danışsa belə süni intellekt əsaslı yeni funksiya onların dediklərini müvafiq olaraq tərcümə edə biləcək. Xatırladaq ki, ötən günlərdə Samsung yeni Gaussian süni intellekt modelini də təqdim etmişdi. yeni təqdim edilən süni intellekt əsaslı funksiya isə Samsung cihazlarında telefon zənglərinə dərhal tərcümə edərək istifadəçilərin işini asanlaşdırır. Qeyd edək ki, bu funksiya AI Live Translate Cell adlanır. Samsung bildirib ki, bu funkiya mobil tətbiq kimi bütün cihazlarına əlavə ediləcək.
Görünən odur ki, Galaxy S24 seriyalı smartfonlar daha bir yeniliyə sahib olacaq. Hələ təqdimata aylar qalsa da, Samsung yeni seriyası üçün dayanmadan yenilik elan edir. Məhz AI Live Translate Cell funksiyası da bu yeniliklər arasındadır. Qeyd edək ki, yenu Galaxy S24 seriyası 2024-cü ilin yanvarında bizlərə təqdim ediləcək. Həmçinin yeni Gaussian adlı süni intellekt modeli gələn ildən etibarən mobil cihazlarda daha çox süni intellekt əsaslı funksiyaların təqdim edilməsinə şərait yaradacaq.
