ChatGPT tərtibatçısı OpenAI tərəfindən hazırlanmış yeni süni intellekt modeli Sora internetə sızdırılıb. Rəqibləri Claude Sonnet və Google Gemini kimi dünyanı bəlkə də heç vaxt görmədiyi şəkildə dəyişməyə hazırlaşan ChatGPT müəllifi olan OpenAI tərəfindən hazırlanmış yeni nəsil süni intellekt modeli Sora haqqında yeni aktual məlumatlar ortaya çıxıb. Lakin bu dəfə yeni süni intellekt modeli mətn deyil, video əsaslı istifadə vəd edir.
Bu yaxınlarda bir qrup, OpenAI-nin hələ inkişaf mərhələsində olan Sora süni intellekt video generatoruna girişi sızdırıb. Hugging Face platformasında yayımlanan layihə Sora API-dən istifadə edərək 1080p təsvir ölçüsündə 10 saniyəyə qədər videolar yaratmağa imkan verir. Belə ki, bu qrup OpenAI-nin Sora üçün erkən giriş istifadəçilərinə tətbiq etdiyi məhdudiyyətlərə və ədalətsizliyə etiraz etmək üçün bu məlumatı paylaşmağı seçib.
Qrup öz etiraz bəyanatında bildirir ki, OpenAI-nin Sora-nın erkən giriş istifadəçilərini müsbət PR ilə məşğul olmağa məcbur edib və bu prosesdə onlara ədalətli kompensasiya ödəməyib. Habelə, onlar bildirib ki, “Milyardlarla dollar dəyərində bir şirkət üçün səhvlərin yoxlanılması və əks əlaqə prosesi zamanı yüzlərlə sənətçi pulsuz əmək təmin edir. Bu erkən giriş proqramı yaradıcı ifadə və tənqiddən daha çox reklam və marketinqə yönəlib.” Məlumatı sızdıranlar həmçinin OpenAI-nin Sora istifadəçilərinə ciddi nəzarətini tənqid edib. Onlar iddia edirlər ki, paylaşılan hər bir video OpenAI tərəfindən təsdiqlənməlidir və yalnız müəyyən istifadəçilərə Sora tərəfindən yaradılan məzmunu nümayiş etdirməyə icazə verilir.
Sora, mətn əsaslı süni intellekt modellərindən kənara çıxan və video məzmun yaratmağı mümkün edən süni intellekt modeli kimi önə çıxır. Hələ ictimaiyyətə açıqlanmasa da, bu texnologiya məzmun istehsalında və vizual mediada inqilab edə bilər. Sızmadan sonra ortaya çıxan nümunələr isə istifadəçilərin Sora ilə yüksək keyfiyyətli qısa videolar hazırlaya bildiyini göstərir.
