OpenAI, 12 günlük təqdimat tədbirinin son günündə bütün diqqətləri öz üzərinə cəlb etməyib bacarıb. Belə ki, süni intellekt nəhənginə çevrilən OpenAI yeni o3 modelini təqdim edib. Xatırladaq ki, şirkət sonuncu dəfə o1 adlı süni intellekt modelini təqdim etmişdi.
OpenAI, “12 Gün OpenA” çərçivəsində on iki gün ərzində müxtəlif promosyonlar və elanlar edib. Bu uzun tədbirin son günündə şirkətin “düşünən” süni intellekt modeli olan o1-in yeni versiyası olan OpenAI o3 və OpenAI o3-mini təqdim olunub. Şirkət yeni süni intellekt modelinin mövcud modellərdən daha çox insan kimi düşünmə qabiliyyətinə malik olduğunu vurğulayıb. Beləliklə, Googlee şirkəti insan kimi düşünən ilk süni intellektini təqdim etdiyi vaxtdan sadəcə bir neçə gün sonra OpenAI indiyə qədərki ən bacarıqlı AI modelinin təkmilləşdirilmiş versiyasını təqdim edib. OpenAI o3, o1 kimi, “düşünməyə vaxt sərf edir” və suallara daha yaxşı cavab vermək üçün prosesdə məntiqi əsaslandırma həyata keçirir.
OpenAI o3, xüsusilə mürəkkəb riyaziyyat, qabaqcıl elm sualları və kodlaşdırma kimi sahələrdə sələfindən üç dəfə daha yaxşı performans göstərir. Model həmçinin ARC-AGI kimi süni intellektin məntiqi nəticə çıxarma qabiliyyətini sınayan etalonda da üstündür. Bununla belə, o3 və o3-mini ümumi istifadə üçün hələ mövcud deyil. OpenAI-nin baş direktoru Altmana görə, bu yeni modellərin geniş istifadəyə verilməsi bir qədər vaxt apara bilər. Belə ki, o3-mini modelinin 2025-ci ilin yanvarında, o3 modelinin isə yanvar ayından qısa müddət sonra buraxılması planlaşdırılır. Bu modellər ilk növbədə ChatGPT Plus və Pro abunəçilərinə təklif olunacaq.
