Bildiyimiz kimi, ChatGPT-nin ilk buraxılışından bəri süni intellekt məktəblər və təhsil müəssisələri üçün çoxlu problemlər yaradır. Lakin yeni təhsil startapı süni intellektə müqavimət göstərmək əvəzinə onu mənimsəməyi təbliğ edir. Beləliklə, keçmiş OpenAI həmtəsisçisi və süni intellekt tədqiqatçısı olan Andrej Karpathy süni intellekt əsaslı məktəb açmaq qərarına gəlib.
![süni intellektə məktəb](https://tedroid.com/media/2024/07/openai-hemtesiscisi-suni-intellekt-mekteb.webp)
OpenAI şirkətinin yaranmasından cəmi bir neçə ay sonra şirkətdən ayrılaraq Eureka Labs adlı yeni “AI+Education” təşəbbüsünü elan edən Andrej Karpathy xəyalına qovuşacaq. Qeyd edək ki, o, Eureka Labs ilə hər kəsə hər şeyi öyrənməyə imkan verəcək Müəllim + Süni İntellekt əlaqəsini inkişaf etdirmək istəyir. Andrej Karpathy, bu təhsil müəssisəsini “süni intellekt”-in əsas xarakter daşıdığı yeni tipli məktəb adlandırır. Burada tamamilə sıfırdan qurulmuş bir təhsil sistemi nəzərdə tutulur ki, onun əsas prinsipi süni intellektdir və müəllimlər dərs planlarını hazırlayarkən sinifdə rəqəmsal köməkçilər istifadə edir.
Steve Jobs-un 1985-ci ildəki fikirlərini əks etdirən Karpathy, öz məqaləsində bildirir ki: “Söhbət fizikaya gəldikdə, hər addımda sizə rəhbərlik etmək üçün məşhur fizik Richar Feynman ilə keyfiyyətli kurs materiallarını öyrəndiyinizi xəyal edə bilərsiniz.” İlk növbədə, Eureka Labs tələbələrə öz süni intellektini qurmağı öyrədən LLM101n kursunu buraxmağı planlaşdırır. Hələlik isə belə bir kursun hansı müddətdə mövcud olacağı və ya effektivliyinin necə olacağı məlum olmasa da, Andrej Karpathy olduqca qərarlı görünür.