Beləliklə, süni intellekt tərəfində öz sözünü deməyi bacarmış, OpenAI şirkəti OpenAI GPT-4o Mini adlı sərfəli süni intellekt modelini təqdim edib. GPT-3.5-i əvəz edəcək model sələfindən həm daha qabiliyyətli, həm də daha sərfəlidir.
![OpenAI GPT-4o Mini](https://tedroid.com/media/2024/07/openai-gpt-4o-mini-serfeli.webp)
OpenAI modellərindən istifadə edərək proqramlar hazırlamaq istəyən, lakin qiymətinə görə ödəyə bilməyən tərtibatçılar üçün hazırlanmış model Google-un Gemini 1.5 Flash və Anthropic-in Claude 3 Haiku kimi mini modelləri ilə rəqabət aparacaq. OpenAI bildirir ki, GPT-4o Mini tərtibatçılar üçün bir milyon token girişi üçün 15 sent və milyon token çıxışı üçün 60 sent qiymət aralığı təyin edib. Maraqlısı budur ki, yeni süni intellekt modeli daha əvvəl təqdim edilmiş GPT-3.5 Turbo ilə müqayisədə 60 faiz daha ucuzdur.
![OpenAI GPT-4o Mini](https://tedroid.com/media/2024/07/openai-gpt-4o-mini-serfeli-1.webp)
Bu gündən etibarən pulsuz, Plus və Team planlarına sahib olan ChatGPT istifadəçiləri GPT-3.5 Turbo əvəzinə GPT-4o Mini-dən istifadə edə biləcəklər. Qeyd edək ki, yeni süni intellekt modeli gələn həftə korporativ istifadəçilər üçün əlçatan olacaq. Bununla belə, tərtibatçılar GPT-4o Mini-yə keçmək istəməsələr, hələlik API vasitəsi ilə GPT-3.5-dən istifadə edə biləcəklər. Yeni model həmçinin API-də mətn və təsvir dəstəyinə sahib olacaq. OpenAI bildirir ki, model tezliklə video və audio kimi bütün multimodal giriş və çıxışları idarə edə biləcək. GPT-4o Mini, 57 akademik mövzu üzrə təxminən 16.000 çoxseçimli sualdan ibarət olan Measing Massive Multitask Language Understanding (MMLU) üzrə 100 baldan 82 bal toplayıb. Xatırladaq ki, bu imtahan üzrə GPT-3.5 70 bal, GPT-4o isə 88.7 bal toplamışdı. Google Gemini Ultra isə 90 xalla birinci yerdədir.