OpenAI qabaqcıl süni intellektin yaradılması üçün 6,6 milyard dollar investisiya toplayaraq ümumi dəyərini 157 milyard dollara çatdırıb. Ancaq yeni məlumatlara görə, şirkət artıq mənfəət yönümlü bir struktura keçid etməyi düşünür.
Süni intellekt dünyasında böyük təsir yaradan OpenAI, 157 milyard dollarlıq qiymətləndirmə ilə çoxdan gözlənilən maliyyələşdirmə turunu tamamlayıb. Süni intellekt nəhəngi OpenAI bu raundda investorlardan 6,6 milyard dollar investiya əldə etməyi bacarıb. Qeyd edək ki, bu taeinxdə ən böyük investisiya raundu hesab olunur. Microsoft, Nvidia və SoftBank kimi texnologiya nəhəngləri Thrive Capital-ın rəhbərlik etdiyi bu investisiya raundunda iştirak edən aparıcı adlar arasında idi. Thrive Capital də 1 milyard dollar sərmayə qoyub və hədəflərə çatarsa, 2025-ci ildə eyni məbləğdə daha bir sərmayə yatıracaq.
OpenAI-nin meteor yüksəlişi xüsusilə 2022-ci ilin sonunda ChatGPT-nin işə salınması ilə başlayıb. Süni intellekt texnologiyalarını əsas cərəyana gətirən bu inkişaf süni intellekt infrastrukturuna milyardlarla dollar sərmayənin yolunu açıb. OpenAI bildirib ki, yeni 6,6 milyard dollarlıq maliyyə daha təkmil AI tədqiqatlarına və hesablama imkanlarının artırılmasına kömək edəcək. Microsoft OpenAI-a milyard dollarlıq sərmayələri ilə şirkətin ən mühüm tərəfdaşlarından biri kimi diqqəti çəkir. Bu əməkdaşlıq Microsoft-un Azure bulud xidmətini gücləndirmək strategiyasının mühüm hissəsidir. OpenAI təkcə keçən ay 300 milyon dollar gəlir əldə edib ki, bu da keçən aya nisbətən 1700% artım deməkdir. Qeyd edək ki, OpenAI iki il ərzində mənfəət yönümlü bir şirkətə çevrilməzsə, investorlar bütün sərmayelərini geri tələb etmək haqqına sahib olacaq.
