Huawei şirkəti uzun müddətdir ki, gözlənilən TrueSense sağlamlıq izləmə sistemini təqdim edib. Belə ki, Yeni xüsusiyyət çərçivəsində sağlamlıq sensorlarından bütün məlumatlar bir nöqtədə toplanır. Bəs gəlin görən TrueSense ilə təklif edilən yeniliklər nədən ibarətdir?
Ağıllı saatlara əlavə edilən sağlamlıq və idman xüsusiyyətləri günü-gündən artır. Bu sahədə rəqabətqabiliyyətli məhsulları olan Huawei, Çində keçirilən yeni tədbirdə TrueSense sağlamlıq izləmə sistemini təqdim edib. TrueSense tənəffüs sürəti, qandakı oksigen səviyyəsi (SpO2), bədən istiliyi, qan təzyiqi və ürək dərəcəsi sensorlarından məlumatları birləşdirir və qısa müddətdə daha dəqiq nəticələr verir. Bu xüsusiyyətlər, əlbəttə ki, Huawei üçün yeni deyil, lakin şirkət TrueSense ekosistemi daxilində daha çox həssaslıq və inteqrasiya təklif edəcəyini bildirir. Bundan əlavə, Huawei TrueSense sistemini təqdim edərkən onunla əlaqəli Health Glance funksiyasını da təqdim edib. 1 dəqiqəlik müddətdə ondan çox sağlamlıq ölçməsinə imkan verən bu xüsusiyyət nəinki ürək dərəcəsi və EKQ kimi tanış oxunuşları ehtiva edir, həm də ağciyər funksiyası və infeksiya riski kimi daha az bilinən ölçmələri izləyir.
Hələlik TrueSense haqqında paylaşılan təfərrüatlar bununla məhdudlaşır. Huawei bu xüsusiyyətin ilk olaraq hansı cihazlarda təklif ediləcəyini açıqlamayıb. Bununla belə, internetdə gəzən iddialar əsasən gələn ay buraxılması gözlənilən Watch GT 5 və Watch D2 modelinə işarə edir. Eyni şəkildə, Watch D2-nin qan təzyiqi üzrə izləmə sisteminə diqqət ayırması onu TrueSense üçün güclü namizədə çevirir.
