Google-un ana şirkəti Alphabet bu ilin üçüncü rübündə qazancını açıqlayıb. Xüsusilə də süni intellekt infrastrukturuna xərclərin artması qarşılığında, bulud texnologiyası seqmentində artım cüzi olub. Bununla əlaqədar olaraq, investorlar Alphabet rəhbərliyinin süni intellektlə əlaqəli layihələrdən necə pul qazanmağı planlaşdırdığına dair suallar qaldırıblar. Lakin Google süni intellektə qoyulan investisiyaların nə vaxt və necə gəlir əldə edəcəyini izah edə bilməyib.
Üçüncü rübün sonunda Alphabet gəlirlərinin 11% artdığını deyir. Bir ildən artıq müddətdə ilk dəfə olaraq ikirəqəmli artım qeydə alınır. Lakin bu, investorlar üçün kifayət etməyib və Alphabet-in səhmləri bulud həlləri seqmentində zəif dinamika səbəbindən ucuzlaşıb. Hesabat dövründə şirkətin əsaslı xərcləri süni intellekt sistemləri nəticəsində 8 milyard dollara çatıb. Bu da Google şirkətini süni intellektə investisiyaların daha ciddi nəticə verməsi və gəlir gətirməsi məcburiyyətini artırır.
İnvestorlarla bu görüş görüş, AI texnoloji partlamasına səbəb olan ChatGPT xidmətinin istifadəyə verilməsindən təxminən bir il sonra baş verir. Doğrusu, Bard adlı özünün AI çatobotu işə salınıb,hətta bəzi AI xüsusiyyətlərini məhsullara inteqrasiya edilib. Ancaq analitiklər və texniki ekspertlər hesab edirlər ki, Google-un rekord məlumat dəstləri ilə böyük dil modellərini öyrətmək olduqca bahalıdır.
Alphabet-in CEO-su Sundar Pichai investorları Google-un ekosistemində süni intellekt potensialını qiymətləndirmək üçün xüsusi olaraq YouTube təcrübəsinə baxmağa çağırıb. Yeni süni intellekt alətləri bizneslərə “mümkün olan ən aşağı qiymətə öz ideal auditoriyasını” tapmağa kömək edib. ilkin sınaqlar 54% dəyər artımı və 42% dəyər azalması ilə nəticələnib. Pichai təkidlə qeyd edib ki, hazırda Google reklamçılarının 80%-i süni intellektlə işləyən ən azı bir axtarış funksiyasından istifadə edir. Lakin investorlar vəziyyətdən hələ də qane deyillər. OpenAI şirkətinin ChatGPT həlli sürətlə həyatımızın hər yerinə rahatlıqla inteqrasiya olarkən, Bard-ın limitli qalması da investorları ciddi düşündürən haldır.
