Süni intellekt yarışında üstünlük əldə etmək istəyən Google, əhəmiyyətli sektorlarda avtonom sistemlər inkişaf etdirərək istehlakçılara seçimlər təklif etməyə çalışır. Belə ki, Google şirkəti indi də cəmi 8 dəqiqə ərzində hava proqnozu verən süni intellekt GenCast-ı təqdim edib.
Google GenCast olaraq elan edilən yüksək ayırdetmə qabiliyyətinə malik süni intellekt modeli hava proqnozlarına diqqət yetirir. Ümumiyyətlə, müasir dövrdə hava proqnozlarının dəqiqliklə verilməsi böyük əhəmiyyət kəsb edir. Google da bunun üçün yeni süni intellektini hazırlayıb. Google GenCast haqqında ilk məlumat Nature jurnalında dərc olunub. Google GenCast bildiyimiz AI modellərinə bənzəyir, lakin o, Yerin həndəsəsinə uyğunlaşdırılıb. Avropanın hava proqnozu mərkəzinin son 40 illik məlumatları ilə öyrədilmiş Google GenCast, 25 günlük fərqlə eyni mərkəzin ən həssas proqnoz vasitəsi olan ENS-i keçməyi bacarıb.
Testlərdə Google GenCast 2018-ci ilə qədər hava proqnozu məlumatları ilə təlim keçib və 2019-cu il üçün 1320 müxtəlif proqnoz verib. Bu proqnozlar ENS məlumatları ilə müqayisə edilib. Bütün məlumatlarda 97,2 faiz daha dəqiq olan Google GenCast, son 36 saatlıq proqnozlarda bu uğuru 99,8 faizə yüksəldib. Yerli hakimiyyət orqanlarına fəlakətdən əvvəl daha çox vaxt verməyi hədəfləyən Google GenCast, həmçinin külək stansiyaları yaxınlığında küləyin sürəti və ya günəş fermalarının üstündəki hava şəraiti kimi xüsusi proqnozlar verə bilər. Google Cloud TPU v5 üzərində işləyən Google GenCast müxtəlif imkanlar üçün əllidən çox proqnoz verə bilər. Google bildirir ki, 15 günlük hava proqnozu cəmi 8 dəqiqə ərzində hazırlanır. Normalda isə bu proses superkompüterlərdə saatlarla vaxt tələb edir.
