Google indiyə qədər ən təkmil süni intellekt modeli olan Gemini 2.0-ı rəsmi olaraq təqdim edib. Gəlin görən indiyə qədərki ən qabaqcıl Google süni intellekt modeli bizlərə hansı yeniliklər və imkanlar təklif edir.
Süni intellekt yarışında lider şirkətlərdən biri olan Google, dünən çox əhəmiyyətli bir açıqlama verib. Belə ki, Google, Gemini-nin yeni versiyası olan Gemini 2.0-ı təqdim edib. Model, 10 ay əvvəl buraxılmış Gemini 1.5-in yeni versiyası olaraq OpenAI-nin o1 kimi modellərinə rəqib olacaq. Gemini 2.0 Google-un indiyədək ən inkişaf etmiş və bacarıqlı modeli kimi təsvir edilmişdir. Qeyd etməliyik ki, şirkət bu modeldə fərqli yanaşma nümayiş etdirəcək. Başlanğıcda yalnız kiçik versiya Gemini 2.0 Flash gələcək.
Həm daha ucuz, həm də daha sürətli olan Gemini 2.0-ın ilk fərqləndirici xüsusiyyəti, indi onun daxili vizual, audio və mətn dəstəyinə sahib olmasıdır. Qeyd edək ki, Gemini 1.5 Flash-da yalnız mətn dəstəyi mövcud idi. Həmçinin bildirilir ki, 2.0 üçüncü tərəf proqram və xidmətlərindən də istifadə edə bilər. Səsin təkrar istehsalı onun ən görkəmli xüsusiyyətlərindən biridir. Əslində bu xüsusiyyətin ChatGPT-nin inkişaf etmiş səs rejiminə bənzədiyini deyə bilərik. Artıq Gemini-ni tez-tez və ya yavaş-yavaş danışdırmaq və onu müxtəlif aksentlərdə danışdırmaq mümkün olur.
Şirkətə görə, Gemini 2.0 Flash bəzi hallarda Gemini 1.5 Pro-dan 2 dəfəyə qədər sürətlidir. Məsələn, təkmil riyaziyyat testlərində müvəffəqiyyət balının 63% olduğunu görürük. Əvvəlki model isə burada sadəcə 47% nəticə göstərmişdi. Kodlaşdırmada 92%, ümumi bacarıqlar üzrə 76%, əsaslandırma üzrə 62,1% bal toplayan Gemini ümumilikdə sələfindən daha üstündür. Təbii ki, Google-un əsas məqsədi Gemini 2.0-ı öz xidmətlərinə inteqrasiya etməkdir. Bunların arasında əsas süni intellektlə dəstəklənən axtarış AI Overviews-dur. Şirkət bildirib ki, yeni model daha mürəkkəb suallara cavab verə bilər ki, bu da axtarış təcrübəsini növbəti səviyyəyə qaldıracaq. Gemini 2.0 Flash bu gündən etibarən istifadəçilər üçün pulsuzdur. Lakin hələlik Gemini-nin saytından istifadə etmək mümkündür.
