Google hazırda təklif etdiyi süni intellekt xüsusiyyətlərini yeni funksiyalar əlavə edərək Google AI brendi altında birləşdirməyi və nəhayət onları Google Pixel 9 seriyasında təqdim etməyi planlaşdırır. Qeyd edək ki, Google hazırda Android smartfonlara bəzi süni intellekt xüsusiyyətləri təklif edir. Texnologiya nəhəngi bütün süni intellekt xüsusiyyətlərini yalnız bir ad altında birləşdirməklə daha təkmil süni intellekt funksiyalarını təklif etməyi düşünür.
Pixel 9 smartfonları ilə gələcək Google AI nə təklif edəcək?
Ümumiyyətlə, Google AI, yeni və mövcud xüsusiyyətlərin qarışığı olacaq. Circle to Search artıq Pixel və Galaxy S23 seriyalarında, Gemini isə bütün Android smartfonlarında mövcuddur. Bunlardan başqa, üç yeni xüsusiyyət əlavə olunur. Birincisi Add me xüsusiyyətidir. Bu funksiya ilə qrupşəkillərində yer ala bilməyənlər, digər şəkillərin skan edilməsi ilə bu şəkillərə əlavə edilməsini əlçatan edir. Bu xüsusiyyət haqqında çox məlumatımız olmasa da, o, Best Take-in təkmilləşdirilmiş versiyası kimi görünür. Funksiya fotoşəkildəki insanların ifadələrini dəyişdirməklə yanaşı, həm də fotodakı müxtəlif insanların kadrlarını birləşdirə bilir.
Digər yeni xüsusiyyət Studiodur. Bu xüsusiyyət istifadəçinin mətn daxiletmələrinə əsaslanaraq stikerlər, şəkillər, divar kağızları və daha çox şey yaratmaq üçün süni intellektdən istifadə edə biləcəyi bir tətbiqdir. Son xüsusiyyət olan Ekran görüntüləri, Microsoftun mübahisəli Recall xüsusiyyətinə çox bənzəyir. ReCall yeni Copilot Plus kompüterləri üçün eksklüziv olacaq Windows 11 funksiyasıdır. O, kompüterinizdə etdiyiniz hər şeyi avtomatik qeyd edir və axtardığınızı tapmaq üçün süni intellektdən istifadə edir. Bir çox insan bu funksiyanı məxfiliyi pozduğuna görə tənqid etdikdən sonra, Microsoft onun tətbiqini təxirə salmışdı. Beləliklə, bütün bu sadalanan xüsusiyyətlərin hər biri Google AI adı altında birləşərək ilk olaraq Pixel 9 smartfonlarında bizlərə təklif olunacaq.
