Samsung şirkətinin süni intellektə əsaslanan batareya optimallaşdırıcı aləti Battery AI, gözləniləndən daha tez əlçatan olur. Belə ki, şirkət daha əvvəl bu texnologiyanın 2025-ci ildən Galaxy S25 seriyası ilə birlikdə təklif etməyi düşünürdü. Bu yaxınlarda isə Cənubi Koreya mərkəzli texnologiya nəhənginin bu texnologiyanı Galaxy Z Fold 6 və Z Flip 6 ilə birlikdə təqdim etməyi planlaşdırdığı ortaya çıxıb.
Yeni funksiya süni intellektin köməyi ilə Galaxy cihazlarının batareyanın ömrünü uzatmaq və batareyanın performansını yaxşılaşdırmaq məqsədi daşıyır. Daha əvvəl Galaxy S25 seriyası ilə birlikdə gələn il təqdim ediləcəyi bildirilən Battery AI gözləniləndən daha tez tarixdə istifadəçilər üçün əlçatan olacaq. İnternetdə sızan məlumatlar yeni batareya alətinin çox yaxında istifadəyə veriləcəyini işarə edir.
Batareya AI batareyanın ömrünü uzatmaq üçün arxa plandakı prosesləri optimallaşdıracaq. İddialara görə, bu texnologiya batareyanın ömrünü 5-10% artıracaq. Bundan əlavə, bu təkmilləşdirmə smartfonun performansına heç bir təsir etməyəcək yəni, batareya aləti smartfonda heç bir performans itkisinə səbəb olmayacaq. Galaxy Z Fold 6 ilə təqdim ediləcəyi gözlənilən batareya aləti sayəsində cihazın 30 dəqiqəyə qədər daha ucuz batareya ömrünə sahib olacağı bildirilir. Qeyd edək ki, Galaxy Z Flip modeli də eyni funksiyaya sahib olacaq. Çox güman ki, Battery AI gələcəkdə Galaxy AI vasitəsilə köhnə Samsung cihazları üçün də əlçatan olacaq. Lakin bunun nə vaxt baş verəcəyini dəqiq demək çox çətindir.
