OpenAI şirkəti ötən günlərdə yeni GPT-4o modelini təqdim etdikdən sonra ChatGPT tətbiq gəlirləri tarixi rekord qırıb. Maraqlısı budur ki, GPT-4o hazırda internetdə pulsuz təklif olunmasına rəğmən şirkətin mobil tətbiqindəki gəlirlər olduqca böyük məbləğdə artıb. Mayın 13-də satışa çıxarılan GPT-4o mətn, nitq və videonu idarə edə bilir və real vaxt reaksiyası və bir sıra emosional səs seçimləri təklif edir ki, bu da onu əvvəllər təklif ediləndən daha güclü model edir.
Appfigures firmasının məlumatlarına görə, təqdim edilən son yeniliklər daha çox istifadəçini OpenAI abunəliyinə üzv olmağa sövq edib. OpenAI GPT-4o-nun pulsuz versiyada istifadəçilər üçün əlçatan olacağını söyləsə də, bu vəd hələ mobil cihazlarda ChatGPT tətbiqinin istifadəçilərinə şamil edilməyib. Qeyd edək ki, mobil tətbiq istifadəçiləri ChatGPT Plus abunəliyi üçün 19.99 dollar ödəniş etməlidirlər. Bu strateji qərar mobil istifadəçilər arasında abunələrə artan tələbat yaradaraq, OpenAI-nin indiyə qədər mobil cihazlarda gördüyü ən böyük gəlir artımına səbəb olub.
Bundan əlavə, OpenAI şirkətinin ən yeni çatbotunun çıxmasının ardınca bazarda bir çox məşhur tətbiq ciddi problemlə üzləşdi. Məsələn, “duolingo” tipli dil proqramlarının hissə dəyərlərində 10%-ə qədər dəyər itkisi, hətta bəzi “milyonluq” startapların süni intellekt “cihazlarının” kütləvi istifadəyə açılmadan yararsız hala gəlməsinə “ChatGPT”-nin ən yeni dil modeli mühim təsir etdi. Bunun təsirləri eyni zamanda şirkətin mobil tətbiqi üzərindən də görülməyə başlanıb. Hesabatlara görə mobil tətbiqin gəlirlilik səviyyəsi “GPT-4o” çıxdıqdan sonra 22% artım göstərib. OpenAI mobil tətbiqdən başlıca olaraq abunəlik hesabına günlük ortalama 491.000 dollar gəlir əldə edərkən, bu rəqəm 900.000 dollara qədər çatıb. Bütün bunlara isə yaxın vaxtlarda abunəçilər üçün əlçatan olacağı gözlənilən görmə və ünsiyyət bacarıqları təkmilləşmiş yeni “ChatGPT” təsir göstərir.
