ChatGPT yaxşı yazılmış və aydın bir göstəriş verildiyi müddətcə funksional kodlar yarada bilər. Əksər tərtibatçılar bu funksiyadan sırf zərərsiz məqsədlər üçün istifadə etsələr də, yeni hesabat göstərir ki, OpenAI tərəfindən tətbiq edilən təhlükəsizlik tədbirlərinə baxmayaraq, virus yaratmaq üçün çox rahat istifadə edilə bilər. Forcepoint kibertəhlükəsizlik firmasının tədqiqatçısı Aaron Mulgrew bildirir ki, o, ChatGPT-dən təhlükəyə məruz virus yaratmaq üçün istifadə edib. Bunun narahatedici tərəfi odur ki, yaradılan virusu VirusTotal aşkar edə bilməyib.
Mulgrew ChatGPT-dən birbaşa zərərli proqramı inkişaf etdirməyi xahiş etsədə OpenAI tərəfindən qoyulmuş qoruyuculara görə sorğu rədd edilib. Bu səbəbdən Mulgrew, bütövlükdə müvafiq proqram təminatını yaratmaq əvəzinə, proqram təminatını hissə-hissə qurmaq qərarına gəldiyini və bununla da təhlükəsizlik tədbirlərindən yan keçərək kiçik kod parçaları əldə etdiyini bildirir.
Mulgrew bütün prosesin bir neçə saatını aldığını vurğulayır. Mulgrew-ə görə, ChatGPT olmasaydı bunu edə bilməzdi. Onun sözlərinə görə, ChatGPT olmadan belə proqram təminatının hazırlanması bir komanda ilə bir neçə həftə çəkə bilər. Qeyd edək ki, zərərli proqram ilk cəhddə VirusTotal-da aşkarlanıb, lakin bir neçə düzəlişdən sonra VirusTotal-da aşkarlanmayıb.
Beləliklə, ChatGPT mövcud kodu təkmilləşdirməkdə də üstündür. Bu, əlbəttə ki, daha böyük risklər gətirir. Mulgrew özünü zərərli proqram inkişaf etdirməyən yeni başlayan kimi təsvir edir. Onun yaratdığı proqram təminatı çox mürəkkəb deyil, lakin asanlıqla deyə bilərik ki, Mulgrew-in hərəkətlərini təkrarlayaraq hər bir kəs bunu bacar bilər.
