Apple istifadəçilərin mətn əmrləri əsasında hərəkətsiz şəkilləri canlandırmaq üçün böyük dil modellərindən (LLM) istifadə edən Keyframer adlı yeni süni intellekt hazırlayıb. Appel tədqiqatçıları bildirir ki, yeni süni intellekt sadə əmrlər ilə öz missiyasını reallaşdırmağı bacarır. Arxiv.org-da dərc olunan yeni tədqiqat məqaləsində təfərrüatları açıqlanan bu yeni alət iPad Pro və Vision Pro kimi yeni nəsil Apple məhsullarında nələrin baş verəcəyi ilə bağlı ipucları verir.
Ümumiyyətlə, Apple şirkəti Keyframer süni intellektində animasıya dizaynını gücləndirmək üçün böyük dil modellərindən istifadə edir. Buna görə də, ilk baxışdan yeni süni intellekt məhz animatorların diqqətini cəlb etməyi bacarıb. Əgər ağlınızda bir neçə təsvir var və onlara uyğun hekayələr qurmusuzsa və bunu animasiyaya çevirmək üçün vaxtınız yoxdursa burada Apple şirkətinin yeni süni intellekti işə qoyulur. Keyframer, hərəkətsiz SVG təsvirindən və əmr sorğusundan CSS animasiya kodu yarada bilən böyük dil modeli ilə təchiz edilmişdir. Animasiya yaratmaq üçün istifadəçi alətə SVG şəkli yükləyir və əmr yazır, məsələn, “buludlar yavaş-yavaş sola sürüşsün”. Keyframer bu animasiyanı yerinə yetirmək üçün kodu istehsal edir. İstifadəçilər daha sonra birbaşa CSS kodunu redaktə etməklə və ya təbii dildə yeni göstərişlər əlavə etməklə animasiyanı təkmilləşdirə bilərlər.
Keyframer ilə yalnız istehsal deyil, həm də redaktə edilir. Animator olanlar biləcəklər ki, siz layihədə istədiyiniz animasiyanı bir anda yarada bilməyəcəksiniz və onu bir neçə dəfə təkrar etməli ola bilərsiniz. Keyframer ilə yeni animasiyaları tez redaktə etmək və kəşf etmək daha asan olacaq. Qeyd edək ki, “Apple”ın araşdırma məqaləsində animasiya dizaynerlərinin və mühəndislərinin fikirlərinin nəzərə alındığı bildirilir. İlk istifadəçi rəyləri də olduqca qənaətbəxşdir. Belə ki, istifadəçilər animasiyaların olduqca sürətli şəkildə hazır olduğunu bildirir.
