Adobe Photoshop yeni süni intellekt alətini təqdim edib ki, bu da istifadəçilərə mətn əmrlərindən istifadə edərək şəkilləri tez redaktə etməyə, obyektləri əlavə etməyə və ya silməyə imkan verəcək. Generative Fill adlanan xüsusiyyət, mart ayında yalnız veb-beta versiyada buraxılmış Adobe Firefly süni intellektindən istifadə etməkdədir. Yenilik ötən gündən beta versiyada mövcuddur. Adobe bu xüsusiyyətin Photoshop-da bu ilin sonunda tam versiyada buraxılacağını deyir.
Photoshop-da adi bir alət kimi Generative Fill Photoshop-da ayrı-ayrı görüntü qatlarında istifadə oluna bilir. Siz onunla təsvirin sərhədlərini genişləndirə və ya yeni obyektlər yarada, həmçinin dəyişdirə bilərsiniz. Xarici genişləndirmə üçün istifadə edildikdə, istifadəçilər əmr sorğusunu boş qoya bilər və sistem təsvirin özünü genişləndirməyə çalışacaq, lakin ona bir qədər təlimat versəniz istədiyinizə təsviri dolduracaq. Digər xüsusiyyətlər isə DALL-E süni intellekti ilə olduqca bənzərdir.
Funksionallıqdan əlavə, Firefly-ın digər vacib elementi təlim məlumatlarıdır. Adobe deyir ki, model yalnız Adobe Stock şəkilləri, açıq lisenziyalı məzmun və heç bir müəllif hüququ məhdudiyyəti olmayan məzmun kimi şirkətin istifadə etmək hüququna malik olduğu şəkillər ilə öyrədilir. Bu o deməkdir ki, Generative Fill ilə yaradılan hər şey təlim məlumatları ilə bağlı daha az şəffaf davranan AI modelləri ilə müqayisədə kommersiya istifadəsi üçün təhlükəsiz olmalıdır.
Generative Fill funksiyası həmçinin şəkilləri paylaşmazdan əvvəl onlara atribusiya məlumatları da əlavə edir. Bu o deməkdir ki, məzmunun süni intellekt vasitəsilə yaradılıb və ya redaktə edilib-edilmədiyini foto datalarına işləyir.
Photoshop-un rəsmi versiyasında yenilik hələ mövcud deyil, lakin beta proqramını endirməklə və ya Firefly beta modulu kimi hal-hazırda test etmək mümkündür. Adobe bir müddətdir ki, süni intellektlə işləyən alətləri öz məhsullarına inteqrasiya edir. Adobe həmçinin Firefly-i Canva kimi xidmətlərlə rəqabət aparan bulud əsaslı dizayn platforması Adobe Express-ə inteqrasiya etməyi planlaşdırdığını söylədi, lakin bunun nə vaxt baş verəcəyi ilə bağlı hələlik heç bir təsdiq yoxdur.
