SpaceX şirkətini texnologiya sahəsində rekord qırmağa davam edir. Belə ki, SpaceX şirkətinin Starlink texnologiyası səsdən təxminən 2 dəfə sürətli uçaraq rekord qırmağı bacarıb. Bildiyimiz kimi, SpaceX şirkəti aprel ayındakı sınaqlar zamanı Starship prototipinə Starlink qəbuledicilərini yerləşdirmək istəyirdi. Buna səbəb isə texnologiya nəhənginin marsa göndərəcəyi raketini yüksək sürətli internet ilə təchiz etmək istəməsi olub. Bu yaxınlarda isə SpaceX şirkəti Starlink internet xidmətinin müvəffəqiyyətlə fəaliyyət göstərdiyini təsdiqləyib.
Qeyd edək ki, Starlink təyyarələrin uçduğu hündürlükdən 3 dəfə yuxarı səsdən 2 dəfə sürətli uçaraq yeni bir rekord qırıb. Ümumiyyətlə Starlink internet xidməti son dövrlərdə dünyanın bir çox yerində əlçatan olmuşdur. Bunlardan biri də məhz ölkəmizdir. İstənilən şəraitdə və ərazidə sadəcə bir antena ilə yüksək sürətli internet əldə etməyə imkan bu texnologiya gələcəkdə bir çox uğurlara da imza ata bilər. Qeyd edək ki, Starlink kosmik gəmilərdən əlavə olaraq, təyyarələrdə də istifadə olunacaq. Hətta bəzi şirkətlər bununla bağlı SpaceX şirkəti ilə razılıq da əldə edib.
SpaceX şirkəti ilk dəfə olaraq 2021-ci ildə Starlink üçün Federal Rabitə Komissiyasından sınaq icazəsi almışdı. Belə ki şirkət Starlink-in kosmik uçuşlar üçün hazır olub-olmadığını öyrənmək istəyirdi. Beləliklə çoxsaylı sınaq nəticəsində Starlink bu gün səsdən 2 dəfə sürətli uçaraq rekord qıra bilib. lakin şirkət bununla kifayətlənməyəcək. Gələcəkdə Starlink daha çox ölkədə istifadəyə veriləcək və kosmik gəmilərdə istifadə ediləcək.
