Müasir dövrümüzün ən əhəmiyyətli mövzularından biri məhz identifikasiyadır. Belə ki, identifikasiya sistemləri müxtəlif ola bilir. Biz bura səs, barmaq izi, üz tanıma və digər identifikasiya sistemlərini əlavə edə bilərik. Lakin bir çox xaker barmaq izi və üz tanıma sistemləri üçün artıq proqram hazırlayaraq onları qıra bilir. Ən yeni identifikasiya sistemlərindən biri olan səs identifikasiyası üçün isə bu keçərli deyildi. Lakin Waterloo universitetinin kompüter texnologiyaları alimləri səs identifikasiya sistemlərini qıran yeni proqram hazırlayıb.
Səs identifikasiya sistemlərini qıran yeni proqram sadəcə 5 dəqiqəlik səs yazma üzərindən insanların səslərini saxtalaşdıra bilir. Əslində müasir dövrdə bir çox klonlama proqramı mövcuddur. Hətta insanların xarici görünüşünü belə klonlayan proqramlar hazırda istifadə olunur. Lakin səs identifikasiya sistemləri üçün bu bir ilk hesab olunur. Yeni proqram 99% göstərici ilə səsləri kopyalaya bilir. Əslində bu proses elə də asan deyil. Çünki hər bir insanın özünəməxsus səsi mövcuddur. Lakin Waterloo Universitetində kompüter təhlükəsizliyi və məxfilik üzrə PhD namizədi Andre Kassis yeni proqramı ilə imkansızı bacardı.
O qeyd edir ki, səs identifikasiya sistemləri adətən qeydiyyat zamanı istifadəçilərdən müəyyən ifadəni təkrar etmələrini istəyir. Daha sonra isə bu səslər sistemdə saxlanılır. Alimlər isə bu səsləri ələ keçirərək identifikasiya sistemlərini aldada bilən yeni proqram hazırlayıb. Məhz bu proqram bir çox şirkətin öz identifikasiya sistemlərində müəyyən təkmilləşdirmələr etməli olduğunu sübut edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
