Microsoft şirkəti Windows 11 əməliyyat sistemindəki xətaları hələ tam aradan qaldırmadan yenisini hazırlayır. Belə ki, Microsoft şirkətinin yeni Windows 12 əməliyyat sisteminin istifadəyə veriləcəyi tarix artıq məlum olub. Texnologiya nəhəngi yeni dizayn və funksiyalar üzərində işləyir. Hətta yeni əməliyyat sisteminin bir çox yeni funksiyaları da ortaya çıxıb. İnsayderlərə görə, Windows 12 əməliyyat sistemi üzən tapşırıqlar panelinə sahib olacaq.
Xatırladaq ki, Microsoft şirkəti hələ Build 2023 tərtibatçı konfransında növbəti nəsil Windows üzərində çalışdığından xəbər vermişdi. İndi isə Windows 12 əməliyyat sistemi üçün tarix məlum olub. Yeni dizayn və fərqli təcrübəyə malik olacaq yeni əməliyyat sistemi gələn ilin payızında təqdim ediləcək. Lakin yeni əməliyyat sistemi 2025-ci ildə daha çox istifadəçi üçün əlaçatan olacaq. Beləliklə Windows 11 hələ 2 il bizimlədir. Maraqlısı budur ki, Microsoft şirkəti Windows 11 əməliyyat sistemini təqdim etdikdən bəri bir çox problemlər ortaya çıxıb. Hətta texnologiya nəhəngi bir problemi həll etdikdə digəri yaranırdı. Məhz bu səbəbdən Windows 10 istifadəçiləri hələ də tam olaraq yeni əməliyyat sisteminə keçid etməyib.
Lakin texnologiya nəhəngi artıq Windows 12 əməliyyat sistemi üzərində çalışır. Microsoft yeni əməliyyat sisteminə də süni intellekti inteqrasiya edəcək. Hətta bu əməliyyat sistemində süni intellekt istifadəçilərə daha çox kömək edəcək. Beləliklə biz yeni əməliyyat sistemində daha çox süni intellekt funksiyasının şahidi olacıq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
