Microsoft şirkəti hazırda minlərlə istifadəçi kütləsinə sahib olan Microsoft 365-də yer alan Word proqramındakı xəta barədə xəbərdarlıq edir. Belə ki, burada mətn prosessoru, faylları saxlamaq əvəzinə onları sizdən asılı olmadan silir.
Müəyyən şərtlər altında Word faylları tələb olunduğu kimi saxlamır, əksinə onları silir. Microsoft 365 proqram dəstindəki 2409 versiyları Word sözü gedən xəta ilə gündəmdədir. Microsoft hazırda istifadəçiləri tez-tez qarşılaşdığı Word xətası üzərində çalışır. Həmçinin, şirkət bu xəta üçün yeni bir dəstək məqaləsi dərc edib. Burada bildirilir ki, “Word build 2409 istifadəçiləri adda böyük hərf fayl uzantısı (.DOCX, .RTF) və ya ‘#’ simvolu varsa, fayllarının saxlanmaq əvəzinə silinməsinə səbəb olan problemlə qarşılaşa bilər. Problem fayl dəyişdirildikdən sonra baş verir və Word-ü bağlamağa çalışdığınız zaman saxlama dialoq qutusu görünür”.
Hazırda Microsoft-un Word komandası problemi araşdırır. Xətaya müvəqqəti həll olaraq isə zibil qutusunda silinmiş faylları axtarmaq və onları bərpa etməkdir. Bununla belə, bu, Windows zibil qutusu olmayan şəbəkə paylaşımları və ya USB çubuqlar üzərində işləyən istifadəçilərə kömək edə bilmir. Ümumiyyətlə, Word istifadəçiləri redaktə edilmiş sənədi əl ilə saxlamalı və yalnız bundan sonra Word-ü bağlamalıdırlar. Xəta əsasən fayl düzəlişi cəhdlərində səhv yalnız Word “X” simvolu ilə bağlandıqda və sonra göstərilən dialoq qutusu ilə sənəd saxlandıqda ortaya çıxır. Bundan əlavə, texnologiya nəhəngi bildirir ki, “Klaviatura qısa yollarından istifadə edərək faylları açarkən və ya saxlayarkən pərdə arxasında göstərin” seçimi aktivləşdirilməlidir. Bunu Word-də “Saxla” altındakı “Seçimlər”ə daxil olduqdan sonra tapmaq mümkündür.
