Huawei ABŞ məhdudiyyətlərindən sonra bütün gücünü HarmonyOS-a yönəltdikdən sonra yaxşı nəticələr almağa davam edir. Çünki, hara baxsaq qarşımıza çıxan nəticələr Huawei tərəfindən imzalanan əməliyyat sisteminin həm mobil, həm də məişət elektronikası məhsullarında getdikcə populyarlaşdığını göstərir. Hətta siyahı genişləndikdə ağıllı əşyalardan tutmuş elektromobillərə qədər genişlənən geniş bir pəncərə ilə qarşılaşırıq. Ancaq inkişaf bununla məhdudlaşmaya bilər. Nəhayət, HarmonyOS-un arxasında duran rəhbər və tərtibatçının sözlərinə görə əməliyyat sisteminin PC-yə gələcəyi və Windows üçün rəqib olacağı təsdiqlənib.
Huawei hələ yeni inkişafla bağlı rəsmi açıqlama paylaşmayıb. Bununla belə, Weibo-da istifadəçilərin suallarını cavablandıran Huawei BG Proqram Departamentinin keçmiş rəhbəri Wang Chenglu HarmonyOS-un çox yaxında kompüterlər üçün əlçatan olacağını təsdiqləyib. Bu nöqtədə səlahiyyətli ad, “Gələn il HarmonyOS PC olacaqmı?” sualına sadə “Bəli” cavabını verib. Ancaq xatırladaq ki, hələlik dəqiq tarix paylaşılmayıb.
Bilməyənlər üçün bildirək ki, Wang Chenglu 1998-ci ildə Huawei-nin Consumer BG Software Departamentinin rəhbəri vəzifəsində çalışdı. 2022-ci ildə Huawei-dən ayrılan Chenglu, HarmonyOS-un arxasında duran ən böyük adlardan biridir.
Digər tərəfdən, HarmonyOS-un lazımi dəstəyi alarsa, Windows 12 ilə rəqabət apardığını görə bilərik. İnsayderlər tərəfindən verilən məlumata görə, tərtibatçılar tərəfindən ilkin sınaqlar HarmonyOS-un noutbukda mükəmməl performansa malik olduğunu göstərir. Üstəlik digər bir məsələ isə yenə simulyasiya ilə bağlıdır.
Bildiyimiz kimi, HarmonyOS əməliyyat sistemi quruluşu səbəbi ilə Android tətbiqlərini rahaatlıqla işlədə biləcək elastikliyə malik idi. Bəzi çinli mənbələrin iddiasına görə HarmonyOS əməliyyat sisteminin Windows versiyası da bunu təkrarlaya bilər. Yəni, HarmonyOS ilə işləyən kompüterlər Windows üçün hazırlanmış proqramları dəstəkləməlidir. Əgər bu baş tutmasa, HarmonyOS-in kompüterlər üçün populyarlaşması biraz çətin olacaqdır.
