2008-ci ildə istifadəyə verilmiş Google Chrome 47 dil dəstəyi ilə hal-hazırda dünyanın ən çox istifadə olunan veb brauzeridir. Yəqin ki, hər biriniz ən azı 1 dəfə Chrome uzantılarından istifadə etmisiniz. Belə ki, bu uzantılardan ən çoxu reklam bloklamaq, video yükləmək məqsədilə işlədilə aiddir. Ötən həftə məlumatların qorunması şirkəti olan Incogni, Chrome Veb mağazasında mövcud olan 1237 Google Chrome uzantıları ilə bağlı təhlil apararaq hesabat dərc edib.
Incogni şirkətinin hesabatına görə təhlil edilmiş Chrome uzantıları olduqca böyük təhlükəsizlik riski daşıyır. Belə ki, hesabata görə uzantıların təxminən yarısı və ya 48.66%-i yüksək və ya çox yüksək risk təsirinə malikdir. Yəni bu uzantılar istifadəçilərin şəxsi məlumatlarını saxlayır. Chrome uzantılarının dörddə birində çoxu 27%-i isə şəxsi məlumatları toplayır. Incogni şirkəti bunu bir nömrəli narahtlıq hesab edir. Qeyd edək ki, əksər insanın istifadə etdiyi Grammarly uzantısı ən çox məlumat toplayan uzantılardan biridir. Həmçinin bu uzantılar orta hesabla ən çox məlumat növünü də toplayır.
Incogni şirkəti yazı uzantılarını ən riskli Chrome uzantıları hesab edir. Tədqiqatçılar bildirib ki, Etibarlı uzantılar qüsursuz proqram təminatına və yüksək istifadəçi reytinqinə malik olan uzantılardır. Lakin bəzən istifadəçi reytinqləri tərtibatçılar tərəfindən saxtalaşdırıla bilər. Şirkət yalnız düzgün icazələri olan uzantılarda istifadə etməyi tövsiyə edib. Bunun üçün isə tərtibatçı adı anonim olmayan uzantılardan istifadə etmək lazımdır.
