Süni intellekt sahəsində əldə etdiyi uğurları ilə məşhurlaşan OpenAI bu dəfə öz sosial media platformasını qurmaq niyyətinə ola bilər. Belə ki, şirkət bu yaxınlarda Twitter rəqibi Pebble platformasının həmtəsisçisini işə götürüb. Görünən odur ki, süni intellekt nəhəngi indi sosial media platforması tərəfində uğur qazanmaq istəyir.
Süni intellekt sənayesinin aparıcı adlarından biri olan OpenAI ilə bağlı cəlbedici bir xəbər ortaya çıxıb. Belə ki, OpenAI şirkətinin öz sosial media platformasını inkişaf etdirmək üçün işə başladığı iddia edilir. Əgər bu iddia reallaşarsa tezliklə, X, Instagram və TikTok kimi platformalarla ciddi rəqabət aparacaq yeni bir platforma yaranacaq. OpenAI Gabor Cselle adlı mühəndisi işə götürüb. Keçən aydan etibarən OpenAI-da işə başlayan Cselle sosial media dünyasında önəmli bir ad hesab olunur. Bundan əlavə, onun verdiyi açıqlama bizi OpenAI-nin həqiqətən sosial media platforması üzərində işlədiyini düşünməyə vadar edir.
Ümumiyyətlə, Gabor Cselle karyerasına mobil e-poçt başlanğıcı reMail ilə başlayıb. Bu tətbiqi Google-a satan Cselle bu dəfə Namo Media adlı bir reklam şirkəti quraraq bu şirkəti o zamanlar Twitter adı ilə tanınan X-ə satıb. Bir müddət X-in məhsul meneceri vəzifəsində çalışan Gabor Cselle 2016-cı ildə Google-a keçib. 2022-ci ildə isə Pebble adlı sosial media platformasını işə salan mühəndis platformanı lazımi səviyyədə idarə edə bilməyib. Bununla da, platforma tez bir zamanda bağlanıb. Lakin yenə də Pebble hazırda X-in ən böyük rəqiblərindən biri olan Mastodonun ilham mənbəyidir.
