ABŞ prezident seçkiləri əvvəlində kriptovalyuta dünyasına qarşı müsbət və dəstəkləyici açıqlamaları ilə bazara yeni bir atmosfer gətirəcəyi düşünülən Donald Trump seçildikdən sonra bazarda soyuq yağış yaradıb. Belə ki, Donald Trump və həyat yoldaşı kriptovalyuta dünyasını alt-üst edərək, 1 milyard dolları buxarlandırıblar.
Bazar Trumpın prezidentliyə keçidi ilə əhəmiyyətli kriptovalyuta qaydaları tətbiq edəcəyini gözlədiyi halda, o, əvvəlcə öz meme sikkəsini buraxıb. Daha sonra isə Trump-ın həyat yoldaşının adına da kritpovalyuta buraxılıb. Cəmi iki gündə 90 milyard dollara çatan bu kriptolardan sonra, əlavə olaraq da onun məsləhətçilərindən biri TikTok sikkəsi yaradıb, onu 300 milyon dollara satıb. Bununla da o bütün paylaşımlarını silərək işin içindən çıxıb.
Birdən-birə saysız-hesabsız orijinal və ya saxta Trumpla əlaqəli meme sikkələrinin çılğınlığına qapılan investorlar tez varlanmaq arzusu ilə başsız toyuq kimi bir layihədən digərinə qaçmağa başladılar. Təbii ki, bazarda likvidlik süni intellekt, süni intellekt agentləri və real dünya aktivləri kimi anlayışlardan bu sahəyə keçib. BTC və Ethereum belə bu çıxışlardan təsirlənərək enişə keçiblər. Artıq dəstək nöqtələrində olan bir çox böyük sikkələr və ya vençur layihələri əhəmiyyətli geriləmələr yaşayıb. Trmpın and içmə mərasimində kriptovalyutaları qeyd etməməsi bütün əlaqəli sikkələrin çökməsinə səbəb olub.
Təkcə andiçmə mərasimi zamanı leverged əməliyyatlarda 1,18 milyard dollar ləğv edilib. Xüsusilə TRUMP sikkəsinin çıxmasını gözləyən investorlar məyus olublar. Bazar da bu azalmaya müqavimət göstərə bilməyib və çoxdan gözlənilən yüksəliş məyusluqla əvəz olunub.
