Apple iPhone 16 seriyasının xüsusiyyətlərini yavaş-yavaş aydınlaşdırır və ilk olaraq iPhone 16 Pro Max ilə bağlı yeni detallar ortaya çıxıb. Belə ki, yeni flaqman smartfonun mümkün kamera və batareya xüsusiyyətləri sızdırılıb. Ümumiyyətlə ötən il iPhone 15 modellərini təqdim edən Apple, həm əsas, həm də Pro seriyasında əhəmiyyətli təkmilləşdirmələr etmişdi. Məhz bu dəyişikliklərdən sonra isə bu il təqdim ediləcək iPhone 16 seriyasında heç bir əhəmiyyətli dəyişikliyin olmayacağı da iddia edilirdi.
Lakin iPhone 16 Pro Max kamera tərəfində bir ilkə imza ata bilər. Belə ki, etibarlı mənbələrin ortaya çıxardığı məlumata görə Apple xüsusi olaraq iPhone 16 seriyası üçün yenilənmiş funksiya düyməsi və tamamilə yeni çəkmə düyməsi üzərində işləyir. Digitalchatstation-a görə yenililər sadəcə bununla məhdudlaşmayacaq və 16 Pro Max modeli iki qatlı tranzistor texnologiyası ilə 1/1.14 düymlük 48MP Sony IMX 903 fərdiləşdirilmiş kamera sensoruna sahib olacaq. Hətta bu sensorun 14Bit ADC və DCG dəstəyi təqdim edəcəyi bildirilir.
Qeyd etməliyik ki, bu, çətin işıqlandırma şəraitində daha yaxşı performans və daha peşəkar təcrübənin təqdim ediləcəyini göstərir. Məşhur analitik Ming-Chi Kuo ikili 48MP sensor və 12MP telefoto sensor təkmiləşdirməsini Apple üçün bir ilk olaraq vurğulayır. Bununla belə, iPhone 16 Pro, çox güman ki, iPhone 15 Pro Max-da mövcud olan 120 mm tetra prizmalı telefoto kameranı istifadə edəcək. Həmçinin hər iki smartfonun ön hissəsinə 24MP 6P kamera sensoru yer alacaq. Batareya tərəfində isə yeni smartfonların qrafen əsaslı batareya ilə 40Vt şarj dəstəyinə sahib olacağı bildirilir.
