Apple şirkətinin keçmiş əməkdaşları tərəfindən yaradılan Humane layihəsi 21 il Apple məhsul dizayneri işləmiş və startapın sözçüsü olan İmran Çaudhri tərəfindən smartfonları əvəz etmək üçün yaradılmışdır. Digər bir tərəfdən bu cihaz üzərində 8 ildən çox iOS və MacOS əməliyyat sistemlərini təkmilləşdirməklə məşğul olan Bethany Bongiorno da əsas mühəndislərdən biri kimi fəaliyyət göstərib. Keçmiş Apple işçiləri İmran Çaudhri və Bethany Bongiorno tərəfindən qurulan Humane startapı yeni cihazının ilk canlı demosunu təqdim edib.
Belə ki, yeni cihaz süni intellekt əsaslı fərdi köməkçi kimi çıxış edərək proyeksiya metodu ilə işləyən “ekrana” malikdir. Yəni, istədiyiniz yerə görüntü proyeksiya olaraq sizlərə göstərilə bilər. Çaudhri TED çıxışı zamanı cihazı səhnədə nümayiş etdirib.
İmran Çaudhri
“Bu, tamamilə süni intellekt üçün sıfırdan qurulmuş yeni bir növ geyilə bilən cihaz və platformadır. Bu, tamamilə müstəqildir. Onu işlətmək üçün nə smartfona, nə də başqa cihaza ehtiyacınız yoxdur”.
Təqdimat sayəsində indi cihazın nə edə biləcəyi və ənənəvi ekran interfeysi olmadan cihazın nə edəcəyi barədə ən azı bir az fikrimiz var. Təqdimat zamanı Chaudhri cihazı döş cibində taxır. Ona toxunur səsli əmrlər verir. Bildirilir ki, cihaz jest əmrlərini də dəstəkləyir.
Təsəvvür edin, siz bütün gün görüşlərdə olmusunuz və sadəcə qaçırdığınız şeylərin xülasəsini istəyirsiniz. Buna cavab olaraq cihaz “e-poçtlar, təqvim dəvətləri və mesajlar” barədə xülasəsini təklif edir. Cihaz ayrılıqda heç bir cihaza qoşulmadan işlədiyindən 2 ehtimal ortaya çıxır. Ya daxilində texniki cəhətdən Android əsaslı və gözlənildiyi kimi Qualcomm Snapdragon çipseti ilə işləyən faktiki bir proqram təminatı mövcuddur, ya da bulud əsaslı bir xidmət təklif edilir.
Danışıq cavablarına əlavə olaraq, cihaz ekranı yaxınlıqdakı səthlərə proyeksiya edə bilir. Təqdimatın bir nöqtəsində Chaudri, Bethany Bongiornodan (Humane həmtəsisçisi) telefon zəngi alır, cihazı onun əlinə proyeksiya edir. Kamera bucağı Chaudri-nin zəngi necə qəbul etdiyini gizlədir və interfeysdə düymələrin nəyə bənzədiyini göstərməsinə baxmayaraq, kameralar tam olaraq qarşılıqlı əlaqəni heyif bizə göstərmir. Lakin o, zəngi dinamik telefondan istifadə edirmiş kimi qəbul edə bilir.
Ekranı proyeksiya edə bilməklə yanaşı, cihaz ətrafındakı dünyadakı obyektləri müəyyənləşdirən bir kamera da ehtiva edir. Səhnədə Chaudri şokolad çubuğunu müəyyən etmək üçün kameradan istifadə edir və pəhriz tələblərinə əsasən onu yeyib-yeməməyi ona məsləhət görür.
Nəhayət, canlı tərcümə xüsusiyyəti var. Chaudri cihazdakı düyməni basıb, bir cümlə deyir və sonra Humane-nin geyinilə bilən cihazı fransız dilində eyni cümləni oxuyur. Klipdə Chaudri heç vaxt cihaza sözlərini tərcümə etməyi tapşırmır, ona görə də birinin bu funksiyanı necə aktivləşdirdiyi aydın deyil.
Humane bu cür funksiyaları təklif etməyə cəhd edən ilk şirkətdən uzaqdır. Lakin diqqətəlayiqdir ki, o, bütün bunları qoşalaşmış smartfon tələb etməyən nisbətən yığcam, ekransız bir cihazda etməyə çalışır. Lakin cihazın nə dərəcədə istifadəyə yararlı olacağı naməlumdur. Bütün çatışmazlıqlarına baxmayaraq, smartfonlar sizə lazım olan təfərrüatlara sürətli giriş əldə etməkdə və onları yalnız sizin görə biləcəyiniz ekranda göstərməkdə daha üstündür.
