Bildiyimiz kimi, texnologiya sahəsinin aparıcı brendlərindən biri olan Google bu il yeni Pixel 8 seriyasını təqdim edəcək. Lakin Google şirkətinin təqdimatından əvvəl seriyanın flaqman Pixel 8 Pro modeli barədə bəzi yeni xüsusiyyətlər ortaya çıxıb. Ümumiyyətlə yeni model barədə uzunmüddətdir bir çox xüsusiyyətlər sızdırılmışdı. Bunlardan ən əsası məhz cihazın temperatur sensoruna sahib olacağı idi. İndi isə yeni flaqman smartfonun demək olar bütün xüsusiyyətləri ortaya çıxıb.
Google brendinin yeni flaqman modelinin xüsusiyyətlərindən danışmadan əvvəl qeyd edək ki, smartfon bu ilin oktyabr ayında təqdim edilə bilər. Təqdimata hələ 3 ay qalsa da, artıq smartfonun bir çox xüsusiyyəti hətta dizaynı artıq məlum olub. Google brendinin yeni Pixel 8 Pro smartfonu barədə ortaya çıxan xüsusiyyətlər arasında ən birincisi smartfonun 6.7 düymlük LTPO OLED və 120 Hz yenilənmə sürətinə malik ekrana sahib olmasıdır. Maraqlısı budur ki, smartfonun ekranı QHD+ təsvir ölçüsünə malik olacaq. Prosessor tərəfində isə Pixel 8 Pro modeli Tensor G3 çipseti ilə təchiz ediləcək. Bundan əlavə smartfonun Titan təhlükəsizlik çipinə sahib olacağı da bildirilir.
Kamera tərəfində smartfonun 3 arxa kamera sensoruna sahib olacağı artıq məlumdur. Gəlin bu kameralara daha yaxından nəzər yetirək. Google Pixel 8 Pro modeli 50MP ISOCELL GN2 əsas kamera , 64MP IMX787 genişbucaqlı kamera və nəhayət 48MP ISOCELL GM5 telefoto kamera sensorlarına sahib olacaq. Ön tərəfdə isə smartfon 11MP selfie kamerasına sahib olacaq. Onu da qeyd edək ki, arxa tərəfdəki hər 3 kamera OIS dəstəkləyəcək. Batareya tərəfində isə flaqman smartfon 27 Vatt sürətli şarj dəstəkli 4950 mAs batareya ilə təchiz ediləcək. Həmçinin Android 14 əməliyyat sisteminə sahib olan smartfon ekranın altında quraşdırılmış barmaq izi sensoruna və temperatur sensoruna da sahib olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
