Yəqin ki, siz də istifadə etdiyiniz smartfonun ekranında yaranan problemə görə onu dəyişdirməyə məcbur olmusuz. Artıq OLED smartfon ekranları qırılarsa və ya zədələnərsə onu yenisi ilə əvəz etmək yerinə lazerlə təmir etmək mümkün olacaq. Ümumiyyətlə smartfonun markası və modelindən asılı olmayaraq bir çoxunun ekranında şaquli və ya üfüqi yaşıl xətt problemi yaşanır. Əvvəllər bu problem yalnız ekranı dəyişmək, yəni yenisini əvəz etməklə düzəldilsə də, artıq onu təmir etmək mümkün olacaq. Hətta bunu texnologiya sahəsinin ən sonuncu yeniliklərindən biri olan lazerlə saniyələr içində etmək mümkündür.
Sadəcə maraqlı detal budur ki, smartfonunuzun ekranı mütləq OLED olmalıdır. Çində meydana gələn bu alət lazer texnologiyası ilə OLED smartfon ekranları təmir ola bilir. Beləliklə bu yenilik həm istehsalçılara, həm də istehlakçılara qənaət etməyə imkan verir. Strange Parts adlı YouTuber öz kanalında smartfonu sökmədən onun ekranındakı yaşıl xətt problemini lazer ilə həll edib. Hətta bu proses müddətində smartfon işlək vəziyyətdə olub. Hələlik bu cihaz smartfonların ekranında yaranan cızıq və ya çat kimi problemləri həll edə bilməsə də, bir çox insanın şahidi olduğu yaşıl xətt problemini saniyələr içərisində ortadan qaldırır.
Bu cihaz smartfonun OLED ekran panelindəki mikroskopik keçiriciləri lazer ilə yenidən birləşdirir. Bu proses zamanı mikroskop vasitəsi ilə cihazın ekranının necə təmir olduğunu müşahidə etmək mümkündür. Lazer texnologiyası mikroskopik ölçüdə olan bu pikselləri birləşdirir və problemi aradan qaldırır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
