Dünyanın texnologiya nəhənglərindən biri olan Google şirkəti 35 zərərli Chrome əlavəsi aşkar edərək brauzerdən silib. Maraqlısı budur ki, Google bu əlavələri aşkar edənə qədər 75 milyon dəfə yüklənib. Aşkar olunan Chrome əlavəri qanuni hesab olunsalar da axtarış nəticələrini dəyişmək, spam və reklam qarşısını almaq kimi bir sıra qanunsuz fəaliyyətləri edə bilir. Ümumiyyətlə dünyanın ən çox istifadə edilən brauzeri hesab olunan Chrome yüzlərlə əlavəyə sahibdir. Bəzən bu chrome əlavələri istifadəçilərə müəyyən yeniliklər təqdim etsə də, bəzən zərərli funksiyalara da sahib olur.
Qeyd edək ki, Google tərəfindən aşkar edilən 32 zərərli Chrome əlavəsi artıq Chrome mağazasından silinib. Lakin bu əlavələr silinmədən əvvəl 75 milyon dəfə yüklənib. Bu isə o deməkdir ki, artıq bir çox Chrome istifadəçisi istəmədən zərərli viruslar yükləyib. Ümumi olaraq 32 Chrome əlavəsinin hərbiri istifadəçilərə reklamların, pullu sponsorluqların və sairə əlavə təkliflərin qarşısını almağı təklif edirdi. Kibertəhlükəsizlik tədqiqatçısı Vladimir Palant bildirir ki, bu Chrome əlavələri kənardan tamamilə zərərsiz görünür. Səbəbi isə istifadəçilərin xəbərdar olmaması üçün ustalıqla maskalanmasıdır. Ən çox yüklənən 5 zərərli Chrome əlavəsi aşağıdakılardır:
- Autoskip for Youtube- 9 milyon istifadəçi
- Soundboost- 6.9 milyon istifadəçi
- Cystal Ad block- 6.8 milyon istifadəçi
- Brisk VPN- 5.6 milyon istifadəçi
- Clipboard Helper-3.5 milyon istifadəçi
Google tərəfindən aşkar edilən 32 zərərli Chrome əlavəsi siyahısındakı əlavələrin əksəriyyəti YouTube kimi platformalarda reklamın qarşısını almağı təklif edir. Ümumi olaraq isə aşkar olunan əlavələri istifadəçilərin bank məlumatları, şəxsi məlumatları və digər məlumatlarını əldə edərək qanunsuz istifadə edir. Hələlik Google şirkəti aşkar edilən zərərli Chrome əlavələrinə görə şikayət edilməyib. Lakin yaxın günlərdə texnologiya nəhənginin yeni bir məhkəmə problemi ilə qarşılaşması gözlənilir.
