Böyük Britaniyada yeni təhlükəsizlik qanunu qüvvəyə mindikdən sonra vebsaytlara əlavə edilən yaş yoxlama sistemləri Death Stranding-dən Sam Porter Bridges-dən istifadə etməklə yan keçə bilir. Belə ki, Böyük Britaniyada yeni onlayn təhlükəsizlik qanununun qüvvəyə minməsi ilə internet platformaları Britaniya istifadəçiləri üçün yaş yoxlamasını məcbur edib. Bununla belə, İngilislərin yeni qüvvəyə mindirdiyi yaş doğrulama qanunu özünü heç də doğrulda bilməyib.
Qərardan sonra Reddit və Discord kimi platformalar yaşı yoxlamaq üçün üz tanımadan istifadə etməyə başladı. Reddit istifadəçisi Dany Sterkhov, bu üz skan edən sistemləri Death Stranding-də foto rejimi ilə asanlıqla aldada biləcəyini açıqlayıb. Sizə lazım olan tək şey oyunu başlatmaq, Sam Bridges-dən kameraya baxmaq və bu şəkli üz skanını tələb edən proqrama göstərməkdir. Discord istifadəçini ağzını açıb bağlamağa sövq edir; Reddit üz hərəkətini tələb edir, lakin Semin üz ifadələri və kiçik kamera manipulyasiyaları hər iki platformanı aldada bilər. Sterxov eyni üsulu Bluesky platformasında da sınayıb, lakin orada istifadə edilən Yoti adlanan sistem daha möhkəm olub. Yoti Instagram-ın yaş hesablama texnologiyasından istifadə edərək daha təhlükəsiz yoxlama təmin etməyi hədəfləyir.
Ümumiyyətlə isə Böyük Britaniyada bir çox insanlar artıq bu üsuldan istifadə edərək bir çox platformaların yaş yoxlama sistemlərindən yan keçməyə başlayıb, eyni zamanda üzlərini və ya kredit kartı məlumatlarını üçüncü tərəflərlə paylaşmaqdan çəkiniblər. Ona görə də çox güman ki, bu məsələ tezliklə həll olunacaq.
