Texnologiya nəhəngi Xiaomi, smartfon istehsalında qazandığı uğurlardan sonra ağıllı bel çantasının istehsalına başlayıb. Şirkət, çantanın adını Korin Zero adlandırıb. Xiaomi ağıllı bel çantası vasitəsi ilə biz smartfonlarımızı şarj edə biləcəyik. Korin Zero iki ədəd xarici USB portu ilə təchiz olunub. Bel çantası unikal xüsusiyyətlərə və soyutma sisteminə malikdir. Ağıllı çantanın istiliyi müəyyən dərəcəni keçdikdə, avtomatik olaraq soyutma sistemi aktivləşəcək. Xiaomi, Korin zero bel çantasını yaxın gələcəkdə bütün dünyada satışa çıxaracaq.
Bel çantası 3500 rpm-ə qədər fan sürəti olan kiçik bir soyutma sistemi ilə təchiz edilmişdir. Xiaomi şirkəti, çanta üçün xüsusi dizayn hazırlayıb. İsti havalarda çantanı istifadə edən şəxsin kürəyini sərinlətmək üçün xüsusi kanllardan isifadə olunub. Yəni çantanı istifadə edən şəxs bu kanallar vasitəsi ilə sərinləyə biləcək.
İstehsalçı, həmçinin çantanı noutbuk üçün stend kimi istifadə etməyi tövsiyə edir. Bu halda isti yerlərdə noutbukla işləyərkən və ya notbuku qoymağa yer olmadıqda və.s yaxşı işə yarayacaq. Notbukun soyumasına yaxşı kömək olacaq. Bel çantası 15,6 düyümlük noutbukları rahatlıqla daşıya bilər. Korin Zero çantasının xarici səthi içindəkiləri sudan və nəmdən qorumaq üçün su keçirməyən materialdan hazırlanmışdır. Gecələri çantanı istifadə edən şəxsin görünməsi üçün xüsusi işıqlar istifadə olunub. Xiaomi, bel çantasını əl ilə daşımaq üçün yuxarı hissədə tutacaq qoyub. Ağıllı çantanın çəkisi 1,6 kiloqramdır. Təbii ki, belə çeşidli xüsusiyyətlərə sahib çanta üçün qiymət biraz yüksək olmalıdır. Xiaomi, ağıllı bel çantasını öz crowdfunding platformasında təqdim edib və alıcılar onu həmin platformada 74$-a əldə edə bilərlər.
Xiaomi şirkətinin, Korin Zero çantası haqqında siz nə düşünürsüz? Fikirlərinizi aşağıdan rəylər bölməsində bizimlə bölüşə bilərsiniz.
