Artıq illərdir gözlənilən funksiya WhatsApp tətbiqinə gəlir. Belə ki, şəkil və videoları WhatsApp tətbiqində orijinal keyfiyyət paylaşmaq artıq mümkündür. Daha əvvəl tətbiqə HD paylaşma funksiyası əlavə edilmişdi. İndi isə şəkil və videolarınızı tam keyfiyyətdə dostlarınızla paylaşmaq mümkün olub. Hətta bu xüsusiyyət ilk olaraq iOS istifadəçiləri üçün əlçatan olacaq. “WhatsApp” iOS-da istifadəçilərə orijinal keyfiyyətini qorumaq üçün fotoşəkil və videolarını sənəd kimi paylaşmağa imkan verən yeni funksiyanı təqdim edir.
WABetaInfo mənbəsinə görə, WhatsApp-ın iOS-da 23.24.73 yeniləməsi ilə istifadəçilərin orijinal keyfiyyətli medianı (şəkil və ya videonu) asanlıqla fayl kimi göndərə biləcəkləri bildirilir. Bu funksiya noyabr ayında kiçik bir istifadəçi qrupu tərəfindən sınaqdan keçirildi, lakin indi bütün iOS istifadəçilərinə təqdim edilir. Mənbəyə görə yeni funksiya tam hazırdır və yaxın həftələrdə istifadəyə veriləcək. Funksiyadan istifadə etmək üçün söhbət bölməsində + işarəsinə toxunmaq lazımdır. Buradan sənəd daha sonra isə Foto və ya Video seçərək funksiyadan yararlanmaq olacaq.
Onu da qeyd edək ki, bu funksiyadan istifadə etməklə göndərilə bilən fayllar üçün 2 GB limit var. Ümumiyyətlə WhatsApp eyni funksiyanı Android üçün də sınaqdan keçirir. Lakin görünən odur ki, funksiya hələlik iOS üçün tam işlək vəziyyətə gətirilib. WhatsApp vasitəsilə tam keyfiyyətə malik şəkil və video göndərmək üçün əvvəllər fayl uzantısını əl ilə PDF və ya DOC-a dəyişmək lazım idi. Yeni funksiya isə bu əlavə işi aradan qaldıraraq istifadəçilərə daha rahat istifadə təmin edir.
