Bildiyimiz kimi, internetin ucu-bucağı yoxdur. Burada milyonlarla platforma və məlumat mövcuddur. Bəzən isə istifadəçilərin internetdəki məlumatları xüsusilə şifrələri hakerlər tərəfindən ortaya çıxarılır. Belə ki, indi tarixin ən böyük şifrə sızıntılarından biri ortaya çıxıb. Veb təhlükəsizliyi sahəsində çalışan bir tədqiqatçı dünən bildirib ki, Facebook, Roblox, Ebay və Yahoo kimi vebsaytlara aid təxminən 71 milyon giriş məlumatı ən azı 4 aydır ki, internettə dövr edir.
“Have I Been Pwned?” xəbərdarlıq xidmətinin operatoru Troy Hunt bildirib ki, böyük miqyaslı məlumatın qara bazarda satışı həyata keçirilir. Ən əhəmiyyətlisi budur ki, bu tipik şifrə sızıntısı deyil. Troy Hunt bildirir ki, satışa çıxarılan giriş məlumatlarından yəni şifrələrdən azı 25 milyonu yeni ortaya çıxarılıb. Bu isə onu göstərir ki, tarixin ən böyük şifrə sızıntılarından biri ortaya çıxıb. Qeyd edək ki, ortaya çıxan məlumatların ölçüsü aşağıdakı kimidir:
- 104GB ölçüsündə 319 fayl
- 70 840 771 yeni e-poçt ünvanları
Qeyd edək ki, ortaya çıxarılan bu məlumatların əksər hissəsi Facebook, Roblox, Coinbase, Yammer və Yahoo kimi platformalara məxsusdur. Bundan əlavə ortaya çıxarılan məlumatlar əsasən istifdəçinin adı, onun şifrəsi ilə bağlıdır. Güman edilir ki, bu məlumatlar platforma daxilinə yüklənmiş zərərli proqramlar vasitəsi ilə əldə edilib. Ümumiyyətlə aşkar olunan məlumatların şifrələri həqiqətən də zəifdir və onlar asanlıqla hücuma məruz qala biləcək tərzdədir. Məlumatlarınızın sızıb-sızmadığını öyrənmək üçün isə bura keçid edin.
