Səudiyyə Ərəbistan, 488 m hündürlüyündə və 170 km uzanan bina, “şəhər” tikməyi planlaşdırır. Belə ki, Mirror (The) Line adlı 2 nəhəng “güzgü” kənarlı layihəni inşa etmək üçün 1 trilyon dollar vəsait ayrılıb. Mühəndislər tərəfindən layihə ötən günlərdə ictimaiyyətə təqdim edilib. Səudiyyə Ərəbistan vəliəhd şahzadəsi Məhəmməd bin Salman Əl Səud tərəfindən ilk dəfə The Line lahiyəsi 2021-ci ilin yanvar ayında nümayiş etdirilib. Şahzadə Misir piramidalarını geridə qoyan simvolik və köhnəlməz bir bina inşa etməyə qərar verib.
Mirror Line layihəsi Misir piramidalarını geridə qoyacaq!
Şəhərcik iki uzun, amma çox uzun binadan ibarət olacaq. 170 km uzanan nəhəng divara bənzər bina sahildən başlayaıb, səhra və dağlıq ərazilərdə bir-birinə paralel uzanan güzgülərə bənzədiləcək. Binanın hündürlüyü 488 m olacaq. Şahzadə Məhəmməd bin Salman Əl Səud bu layihənin 2030-cu ilə qədər hazır olmasını istəyir. Lakin mühəndislər belə nəhəng binanın tikintisinin 50 il çəkə biləcəyini bildirirlər.
The line layihəsi həmçinin Neom şəhərinin bir hissəsi olduğundan, enerjisini bərpa olunan enerji mənbələrindən alacaq. Şahzadə lahiyənin tamamilə karbonsuz və ətraf mühit üçün təhlükəsiz olacağını bildirib. Lakin layihəyə baxdıqda heç də bu cür görünmədiyini söyləyə bilərik. Bina çox uzun olduğundan digər hissəyə getmək üçün altında sürət qatarı keçəcək. Sürət qatarı vasitəsi ilə 20 dəqiqəyə şəhərin digər hissəsinə getmək mümkün olacaq. Mirror Line layihəsi, minlərlə insana işlə təmin olunmasına şərait yaradacaq. Lahiyə hazır olduqdan sonra 5 milyon insan yaşaya biləcək. Layihənin planına əsasən, sakinlər gündə üç dəfə yemək üçün abunə haqqı ödəyəcəklər. Bina daxilində olan şəhərciyin infrastrukturu isə innovativ texnologiyalara və süni intellekt üzərinə qurulacaq.
The Line layihəsi ölümə səbəb olub!
Şəhərcikdə, həmçinin yerdən 300 metr hündürlükdə olacaq idman stadionuda inşa ediləcək. Mohammed bin Salman Al Saud ümid edir ki, Neom şəhərciyi ölkənin neftdən asılılığına son qoyacaq. Neom şəhərciyinin inşasını planlamaq üçün yerli sakinlər ərazidən zorla çıxarılmaq məcburiyyətində qalıblar. Problem çıxardan sakinlər təhlükəsizilik qüvvələri tərəfindən güllələnərək öldürülüb. Ölüm hadisəsi layihənin tənqid olunmasına səbəb olub.
Ekspertlər, lahiyənin inşa edilməsi köçəri quşlar, səhradakı canlılar üçün təhlükəli olduğunu bildiriblər. Binanın tamamilə güzgü kimi görünən şüşədən ibarət olması xüsusilə quşları daha da çaşdıra bilər.
Mirror Line layihəsi haqqında siz nə düşünürsüz? Fikirlərinizi aşağıdan rəylər bölməsində bizimlə bölüşə bilərsiniz.
