Çinlilər hər şeyi saxtalaşdırmaqda yeni həll yolları tapmağa davam edir. Bəzən saxtalaşdırılmış məhsullar o qədər mükəmməl dizayn edilə bilir ki, alıcı məhsulu alıb istifadə edənə qədər aldadıldığından xəbərdar olmur. Digər bir tərəfdən hamı gözüaçıq olmadığından saxtakarlar həmin insanların pullarını rahat mənimsəyə bilir. Buna görə də təhlükəsizlik eksperti Ray Redacted, AliExpress üzərində 31.40$ qiymət etiketinə, yaşadığı ölkədəki Wallmart rəsmi mağazasında 39$ qiymətə satılan “saxta” SSD yaddaş qurğusunu almaq qərarı alıb. Mütəxəssisi şübhələndirən əsas şey isə ortalama bir qiymətə təklif edilən SSD yaddaş qurğusunun 30TB tutuma sahib olduğunun göstərilməsi olub.
Saxta SSD yaddaş qurğusu çox gözəl “saxtalaşdırılmış” xüsusiyyətlərə malikdir!
Ray Redacted, aldığı saxta SSD yaddaş qurğusunu kompüterə taxdıqda 2 fərqli 15TB həcmli yaddaş yeri görünür. Faylları diskin yaddaşına köçürdükdə də hər şey problemsiz yüklənirmiş kimi görünür. Fayllar yaddaş qurğusuna yükləndikcə heç bir xəta və.s görünmür. Lakin saxta SSD yaddaş qurğusu elə dizayn edilib ki, siz fayllarınızı bura yükləmək istədikdə fayllardakı məlumatlar silinərək sadəcə sizə diskə köçürülmüş kimi göstərilir. Diskə yükləmə tamamlandıqda faylları açmağa çalısanız məlumatlarınızın korlandığını və ya heç mövcud olmadığını görürsünüz.
Bundan sonra saxta SSD yaddaş qurğusunu sökən təhlükəsizlik eksperti SSD görünüşlü maketin daxilində maraqlı mənzərə ilə qarşılaşıb. Belə ki, xüsusi bir lövhə üzərinə 2 ədəd USB 2.0 dəstəkli MicroSD quraşdırılıb. Hər biri 512 MB tutuma sahib bu yaddaş kartları əslində, ümumilikdə 1GB həcmli yaddaş yerinə malikdir. Lakin çox “yaxşı” saxtalaşdırılan “SSD” yaddaş qurğusu, kompüter üzərindən hər bir 512MB yaddaş kartını 15TB kimi göstərir.
İnsanların əksəriyyəti 40 dollar qiymətə 30TB yaddaş qurğusunun mümkünsüz olduğunu və məhsulun saxta ola biləcəyini təxmin edir. Lakin bir o qədər də belə mövzulardan uzaq olan və bu tip saxta məhsullara inanaraq əldə edən alıcılar var. Ona görə təhlükəsizlik eksperti Ray Redacted timsalında, hansı növ olur-olsun yaddaş qurğuları alarkən diqqətli olmağınız lazımdır. Mümkünsə tanınmış məhsulları yalnız rəsmi satışını həyata keçirdiyiniz yerlərdən əldə edin. Xüsusilə SSD alarkən saxta məhsullardan mütləq uzaq durmaq lazımdır.
