ABŞ Federal Aviasiya Administrasiyasının (FAA) təsdiqi ilə polislər kiçik pilotsuz uçuş aparatları yəni dron ilə təcili çağırışlara cavab verməyə başlayacaq. Pilotsuz təyyarələrin geniş tətbiqi ilə hazırda hüquq-mühafizə orqanlarının bu sahədəki imkanları artırılır. Artıq dünyanın bir çox ölkəsində dronlar əsasən yol nəqliyyatından geniş istifadə olunur. Belə ki, bu dronlar yol hərəkəti qaydalarını pozan sürücüləri aşkar edərək onların cərimələnməsinə şərait yaradır. ABŞ-da isə dronlar yeni bir dövrə başlayır.
![polislər dron](https://tedroid.com/media/2024/06/polisler-dron-ilk-mudaxile.webp)
ABŞ Federal Aviasiya Administrasiyasının (FAA) təsdiqi ilə polis departamentləri artıq dron və ya pilotsuz uçuş aparatları ilə təcili çağırışlara cavab verməyə başlayacaq. Qeyd edək ki, pilotsuz uçuş aparatları üçün komanda, naviqasiya və müşahidə texnologiyaları təminatçısı olan uAvionix, Oswego Şəhər Polis Departamentinin dronlara cavab proqramı olan DFR çərçivəsində FAA təsdiqini aldı. Təsdiq sayəsində polis departamenti təcili yardım çağırışlarına ilk cavab verən kimi kiçik dronları göndərə biləcək. Beləliklə, daha qısa cavab müddətləri, situasiya məlumatlılığı və təhlükəsizlik təmin ediləcək.
Layihə çərçivəsində uAvionix, Casia G yer əsaslı aşkarlama və profilaktika sistemindən istifadə edərək, görmə xəttindən kənar əməliyyatlara imkan verəcək. Bu təsdiq və icra hal-hazırda Oswego Şəhər Polis İdarəsi daxilində həyata keçirilsə də, FAA-nın təsdiqi digər polis departamentlərinə tez bir zamanda oxşar addımlar atmağa imkan verə bilər. Polis müdaxilələrində dronlardan istifadənin faydaları böyük ola bilər. Birinci böyük fayda, əlbəttə ki, daxil olmuş çağırışa daha tez və operativ cavab verməkdir. Habelə, polislər hadisə məkanına çatmamışdan artıq müəyyən vacib məlumatları əldə edə biləcəklər. Məsələn, dronlarla hadisə yerində silah və ya təhlükəli materialların olub-olmadığını müəyyən etmək olar. Bu kimi məlumatlar müdaxilənin səmərəliliyini və effektivliyini artıra bilər