Keçən həftə təqdim edilən iPhone 14 seriyasından sonra bütün diqqətlər Apple şirkətinin yeni ağıllı cihazlarına çevrilib. Apple M3 prosessoru və A17 Bionic çipseti haqqında bəzi məlumatlar sızdırılıb.
Texnologiya həvəskarlarının maraqla gözlədiyi iPhone 14 seriyası 7 sentyabrda keçirilən tədbirdə təqdim edildi. iPhone 14 Pro və iPhone 14 Pro Max modellərində 5nm texnoloji prosesə əsaslanan A16 Bionic çipsetini işlədən Apple, artıq yeni çipseti üzərində işə başlayıb. Yeni çipsetin iPhone 15 Pro və Pro Max modellərində istifadə ediləcəyi təxmin edilir.
Apple, M seriyası prosessorları ilə stol üstü kompüter və noutbuk bazarın əhəmiyyətli dərəcədə ayıran yeni bir dövr başlatdı. Ötən aylarda M2 prosessorunu tanıdan şirkət 5nm istehsal prosesi ilə hazırladığı cihazlarla istifadəçilərin heyranlığını bir daha qazanmağı bacarmışdı. İndi isə TSMC-nin N3 adlı birinci nəsil 3nm istehsal texnologiyasını inkişaf etdirdiyi bildirilir. İddiaya görə, TSMC şirkəti N3E adlı yeni nəsil istehsal texnologiyası üçün Apple ilə müqavilə bağlayıb.
Performans və səmərəlilik baxımından birinci nəsildən daha yaxşı olan N3E texnoloji prosesi 2023-cü ildə təqdim ediləcək Apple cihazlarının əsasını formalaşdıracaq. İlk olaraq, Apple şirkəti iddialara görə hal-hazırda TSMC tərəfindən istehsal olunan birinci nəsil 3nm istehsal texnologiyasını iPad modeli üçün uyğunlaşdırır. Lakin ondan əvvəl M2 seriyası prosessora malik naməlum iPad modelinin təqdimatı həyata keçiriləcək. Hələ yekunlaşmasa da M2 prosessorlu iPad Pro modelinin gələn ay təqdim ediləcəyi gözlənilir.
3nm prosessorlarda 40 nüvəli quruluşa imkan verəcək dörd qəlibin olacağı şayiələr arasındadır. Yadda saxlamaq lazımdır ki, Apple M1 prosessorunun 8 nüvəsi, M1 Pro və M1 Max prosessorlarının isə 10 nüvəsi var. Bu ilin əvvəlində TSMC-nin çip istehsalı ilə bağlı problemləri olduğu iddia edilmişdi. Hələlik rəsmi açıqlama verilməsə də, şirkətin problemlərin öhdəsindən gəldiyi və hazırlıq işlərinə başladığı təxmin edilir.
Analitiklər bildirirlər ki, TSMC şirkətinin 3nm texnoloji prosesində problemləri varsa, AMD və Nvidia kimi şirkətlər məcburiyyətdən 5nm texnologiyası ilə yollarına davam edəcəklər. Çünki, stokların əksəriyyəti Apple üçün ayrılmış vəziyyətdədir. Düşüncələrinizi rəylərdə bizimlə paylaşa bilərsiniz.
