SpaceX şirkəti olan Starlink peyk internet provayderi, ilkin qiyməti 599 dollar olan standart avadanlıq dəstinin ikinci əl variantı üçün 50% endirim təklif edir. Ancaq bir nüans var ki, bu, təmir edilmiş, istifadə olunan avadanlıqdır. Aksiya şirkətin 2 milyon aktiv abunəçiyə çatdığı bir vaxtda start götürüb.
Təmir edilərək yenilənmiş ikinci əl Starlink dəstinin qiyməti cəmi 299 dollardır, lakin təklif hələlik yalnız proqram Avstraliyadan başlayan sınaqdan keçirilməyə başlanıb. Provayder bildirib ki, avadanlıq tam təmizlənir və sınaqdan keçirilir. Bu cihazlar standart terminallarla eyni vəziyyətə gətirilir. Şirkət yenilənmiş cihazları anbarda olduğu müddətcə bundan sonra hər zaman satacaq.
Bu arada bəzi istifadəçilər SpaceX-in Starlink abunəçilərinə xəbər vermədən yenilənmiş cihazları satdığını da iddia edirlər. Bəzi hallarda, cihazlar əvvəlki sahibinin adı ilə göndərilirdi, buna görə də terminallar zavod parametrlərinə qaytarılmalı olurdu. SpaceX iddiaları təkzib edib və ikinci əl olmadığı cür göstərilmədiyi təqdirdə Starlink abunəçilərinə yalnız yeni avadanlıqların verildiyini söylədi. Şirkət təsdiqləyib ki, daşınma zamanı dəstin qablaşdırması bəzən zədələnir, bu da tozun avadanlığın üzərinə düşməsinə və korpusun korroziyasına səbəb ola bilir.
Yenilənmiş avadanlıqların başqa ölkələrdə satışı ilə bağlı hələlik heç bir məlumat yoxdur. SpaceX həmçinin yeni açıqlamasında onu da bildirdi ki, Starlink-in aktiv müştərilərinin sayı ötən dekabrda 1 milyonu ötmüşdüsə, indi 2 milyonu keçib. Yaxın vaxtlarda starlink xidmətinin Azərbaycanda da aktivləşməsi gözlənilir.
