Məlum məsələdir ki, bir çox Dolby imzası daşıyan cihazlar səs və görüntü keyfiyyəti standartı cəhətdən bir addım öndə olur. İlk növbədə Dolby şirkətinin xüsusiləşdirdiyi Atmos səs texnologiyasını qısaca izah edək. Məsələn, stereo səs ucaldanlar istifadə edirsinizsə səs statik olaraq sağ və sol kanallardan çıxmaqla sizə çatır. Lakin Dolby Atmos dəstəkli stereo səs ucaldanlar xüsusiləşdirilmiş 3 ölçülü AV kod dəstəyi ilə birlikdə səsə müəyyən bir həcm, istiqamət hissiyatı qata bilər. Bunu bir növ 7.1 surround səs sistemlərinin təkmilləşdirilmiş hal kimi təsəvvür edə bilərsiniz. Dolby Vision isə hər cihazda müxtəlif texniki şərtlərin ödənməsi qarşılığında cihazlara təkmilləşdirilmiş HDR bacarığı gətirməkdə istifadə olunur. Əsas məqsədi HDR görüntülərdəki rəng dərinliyi səviyyəsini mənbədən alaraq, dinamik olaraq işləyib ekrana çıxarmaqdır. Belə ki, Google şirkəti Dolby Atmos və Dolby Vision üçün öz pulsuz alternativini hazırlayır.
Google şirkəti Dolby texnologiyalarının alternativlərini öz müştərilərinə pulsuz təqdim edəcək
Ortaya çıxan məlumatlar göstərir ki, Google şirkəti yeni səs və video formatları üzərində işləyir. Bu formatlar isə birbaşa olaraq Dolby texnologiyalarının Google tərəfindəki alternativləri olacaqlar. Hal-hazırda Dolby Atmos və Dolby Vision texnologiyalarını öz cihazlarlarında quraşdırmaq istəyən media avadanlıqları istehsalçıları 50 dollar dəyərində olan topdan satış məhsulu üçün 2 dollar lisenziya haqqı ödəməlidirlər. Bunu nəzərə alaraq hesablama aparsanız müxtəlif cihazlarda Dolby texnologiyalarından şirkətin nə qədər qazanc əldə etdiyini təqribi hesablaya bilərsiniz.
Project Caviar kod adına sahib yenilik şirkət tərəfindən təkmilləşdirmə mərhələsinə alınıb. Qarşıdakı vaxtlarda yenilik istifadəyə verildikdən sonra, Android cihazlarda Dolby şirkətinin bazar payından Google, xeyli müştəri cəlb edə biləcək. Çünki, xüsusilə Google platformasına aid sistem tətbiqləri yeni səs və video formatını ödənişsiz dəstəkləməlidirlər. İstehsalçılar heç bir ödəniş etmədən Google texnologiyalarına yönəlib, Dolby texnologiyalarından müəyyən qədər uzaqlaşacaqlar. Əslinə qalsa kamearalarda “LEICA, Hasselblad, ZEISS” imzası kimi, “Dolby Atmos” da özünəməxsus yerə sahib olduğundan smartfona müəyyən qədər prestij gətirir. Qeyd edilən təkmilləşdirmə müddətinin nə vaxt tamamlanacağı isə məlum deyil.
